حضرت امام هادی علیه السلام
#گریز به مصائب #کربلا
.
✍️ زبدة الاشعار ✍️
?: @nohe_torki
.
محمّد تقی جابری تبریزی
.
ای ولیّ ذات سرمد یاعلی
هادی آل محمّد یاعلی
.
ای گوزل آدی علی، پور تقی
بوالحسن کنیه، لقب امّا نقی
.
پاک سیرت، وارث پاک نبی
حضرت پیغمبره صالح وصی
.
خالق خلقت خدای کردگار
نورینی ایلوبدی سیزده آشکار
.
طوریده ایتدی همان نوری عیان
تک نه موسی، واله اولدی انس و جان
.
فیض نورین مهر و مه سیزدن آلار
کون و امکانه همان نوری سالار
.
ای سالان نوری هامی آفاقه شور
جسمی نور، اجدادی نور، اولادی نور
.
ای بهین نَجل علیّ المرتضی
نور چشمان جواد ابن الرّضا
.
قبر پاکی مهبط روح الامین
قبله ی ایمان مطاف عارفین
.
مدفنوندی مطلع نور خدا
روز و شب ایلر زیارت انبیا
.
بیر صفا وار اوردا ای جان جهان
سُرَّ مَن رَآنی ایدوب باغ جنان
.
وار او یرده خارق العاده اثر
تربتی ایلر مسِ ایمانی زر
.
ای مزاری ملجاءِ جنّ و بشر
قبریوه قربان تمام شیعه لر
.
بو جلال و شان و عزّت بو مقام
وصفینه عاجزدی کلک خاصّ و عام
.
بولمورم ای حجّت گردون مدار
بولمدی قدرون ندن بو روزگار
.
شهر یثربنده حضورونده مدام
شیعه لر ایلردی سندن اخذ کام
.
چوخ گران گلدی بو عزّت دشمنه
عرصه نی تنگ ایلدی آخِر سنه
.
چوخ اذیّتلر سنه ویردی ظُلام
گوندوزون اولدی گوزونده تیره شام
.
آل عبّاس، ای امام محتشم
واثق و معتزّ و جعفر، معتصم
.
هر بیری ظلمینده نقصان قویمادی
شرم ایدوب جور و جفادن دویمادی
.
آخِرُ الامر ای عزیز مصطفی
معتصم ایتدی سنه چوخلی جفا
.
زهردار انگوریله اول کین شعار
قلبیوی یاندوردی ایتدی بی قرار
.
وار روایت لرده بیله بیر خبر
زهر ایله جسمونده ایتمیشدی اثر
.
میل ایدردون هولیدن صاق و صولا
رنگون اولموشدی مثال کهربا
.
ال اورکده، باغری قان، دلده نوا
سسلنردون بی امان یاندیم آنا
.
چخدی جانون ایلدی روحون عروج
ماتمه باتدی سماوات و بروج
.
باشون اوسته اولمادی دل داغلین
سینه چاک ایلوب اورکدن آغلین
.
واپسین لحظه فقط ای ممتحن
باشیوین اوستونده آغلوردی حسن
.
غسل و کفن ایتدی قویوب قبره سنی
سویلدی قویدون بابا یالقوز منی
.
تا نفس واردی غمونده آغلارام
یاد ایدوب نسگللرون دل داغلارام
.
آه و واویل، ای امام نشئَتِین
وار یری عالم دیه ایوای حسین
.
کربلاده اولمادی آیا ندن
بیر نفر جدّون حسینی دفن ایدن
.
حجّت حق، عالمینون سروری
گون ایوینده قالدی اوچ گون پیکری
.
زینب کبری گورنده قارداشین
صفحه ی رخساره توکدی گوزیاشین
.
اللری باشدا بتوله نور عین
سسلدی بیردن باجون اُلسون حسین
.
یاخشی گوزدن اهل بیتون آتموسان
وای منه توپراقلار اوسته یاتموسان
.
جابری یاندی دلون، دولدی گوزون
دی امام هادیه وار نه سوزون
.
صدقیله ایسته، یقین ایلر عطا
بیر برات سامرا و کربلا
.
#الهادی_مدح
#ای_ولی_ذات_سرمد_یاعلی
#جابری_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید