شهادت حضرت امام رضا(ع)
.
✍️ زبدة الاشعار ✍️
.
🆔: @nohe_torki
.
مرحوم قمری
.
.
ای ویرن جانینی مین شوقیله جانانه رضا
بستری خاک سیه منزلی ویرانه رضا
.
.
چرخ دورانِ ستمدن چکیلوب سینه مه داغ
قیلمیشام ناله کنان ساحتِ دنیانی سراغ
بو نه منزلدی ویروبلر سنه بی فرش و چراغ
جان ویرورسن قوری یرلرده ذلیلانه رضا
.
.
بو نه هنگامه دور ای پادشه ملک حجاز
منِ دلخسته ئیلن ایله گلن راز و نیاز
دی گوروم دردیوی بیکس آناوا ایلمه ناز
ویره جک گوزیاشیم عالملری طوفانه رضا
.
.
کهربا تک سارالوب لالۀ گلرنگ ترون
یوخدی بیر باش آچوب افغانه گلن نوحه گرون
گورونور طشتده یتمیش ایکی پاره جگرون
بویانوب لعل لبون لاله کیمی قانه رضا
.
.
قیل بیان ای گُل گلزار رسولِ مدنی
نه سببدندی سالوبلار بیله احواله سنی
بیری غربتده ئولنده مگر اولماز کفنی
قوری یر منزل اولور طوسده مهمانه رضا
.
.
نه ایدوبسن دهرده مأمون لعین شومه
ایلیوبدور بو قدر ظلم سنِ مظلومه
هاردا قالمیش مگر ایستکلی باجون معصومه
باش آچوب نعشیوون اوسته گله افغانه رضا
.
.
دوتموشام کوفه ده آل قانه باتان حیدره یاس
دوشموشم چوللّره اگنیمه گیوب قاره لباس
گه حسین وای دیرم گاه دیوب وا عبّاس
آغلارام قاسمیلن اکبر عطشانه رضا
.
.
نه قرا بخت آنایم گولمز اوزوم دنیاده
گلورم ناله کنان شام و سحر فریاده
گه بقیعه گیدرم گاه اوغول بغداده
گاه گلّم باش آچوق ملک خراسانه رضا
.
.
ایمدی افغانه گتورّم فلکین نُه طاقین
ایلرم نوحه سرا شش جهتین آفاقین
سینه اوسته قویارام کرب و بلا تُپراقین
مدفنون رشک ویرور جنّت و رضوانه رضا
.
.
چکمه غم من سنه عالمده عزادار اولاّم
آغلیوب غربت آرا دردوه غمخوار اولاّم
یتیشوب دادینه البتّه مددکار اولاّم
حشرده «قمری» دلخستۀ نالانه رضا
.
.
.
#سبک_کربلا_منتظر_ماست
#سبک_شهریاریمسن_آقا
#سبک_یارالی_جان_یارالی و …
.
.
.
#رضویه_شهادت
#ای_ویرن_جانینی_مین_شوقیله_جانانه_رضا
#قمری
#ترکی
.
✍️ #زبدةالاشعار ✍️
.
🆔: @nohe_torki
نظر دهید