یا مهدی
بمناسبت #فاطمیه و شام غریبان حضرت زهرا سلام الله علیها
.
.
.
مرحوم #اعظمی_تبریزی
.
#سبک_آتدان_یره_چون_دوشدی … #سبک_یاران_چه_غریبانه … #سبک_آی_گویده_کی_اولدوزلار
.
.
ای پردۀ غیبتده
گوز یاشی دونن قانه
جان وئردی آنان زهرا
گل شام غریبانه
.
.
ایوای آنا وای سویله
اشکون یوزیوه باغلا
آغلور حَسَنِین، سنده
سس وئر اولارا آغلا
.
.
نه حالیله شرح ایلوم کیفیّت زهرانی
هر محنته دنیاده دوزدی او بلا کانی
ئولموب اوزی معناده، ئولدوردی اونی ثانی
واضح دیمورم هرگز زهرایه نه ظلم ایتدی
دنیادن آنان امّا آخِر یارالی گیتدی
.
.
بیر دُرّدی مرضیّه گنجینۀ عصمتده
بیر گُلدی اونا هیچ گُل چاتمازدی لطافتده
مشکلدی اولا بیر گُل بو عطر و طراوتده
افسوس او رعنا گُل خاریله یارالاندی
ظلمیله خزان اولدی گُلشندن آرالاندی
.
.
عالملر اولا گلشن زهرا کیمی گُل اولماز
گورسِیدی اونی هر کیم، سویلردی بو گُل اولماز
سولدوردولا ظلمیله، گوز اشکیله گور دولماز
ریحانۀ پیغمبر دنیادن ایله دویدی
گتدی ولی اطفالین، چون آهو مَلَر قویدی
.
.
بو غمده علی اشکین خونِ دلینه قاتدی
ایستوردی ویره غسلین بیر اوزگه غمه باتدی
بو ضصّه او صبریله شاهَنشَهی آغلاتدی
گویا که وجودینده نیلی یرینی گوردی
گلبرگ جمالینده سیلی یرینی گوردی
.
.
غسلندن اولوب فارغ گوز یاشلی نجف شاهی
رخساره توکوب اشکین عرشه اوجالوب آهی
بو غمده علی دوزدی، دوزمز بیری واللهی
ناگه حَسَنین گلدی بیر محشر اولوب بر پا
سویلَردیله شوریله ایوای آنا یا زهرا
.
.
سالدی اوزینی گُللر، اول جسم کفن پوشه
سویلردیله دور بیرده آل گُللرون آغوشه
چوخ آغلادیلار گَلدی مهری آنانون جوشه
آخِرده کفن ایچره زهرا قولینی آچدی
بیر گَل، ایکی تَر غنچه، اول دمده قوجاقلاشدی
.
.
سس گلدی علی قویما گَلسون حَسَنین داده
آغلور ملکوت اهلی بو عالم بالاده
آغلاتدیلا دنیانی گور بو ایکی شهزاده
بو منظره مولانین آرامین آلوب الدن
بلبللری گوز یاشلی آخِر آیروب گلدن
.
.
القصّه علی صبرین الدن بو مُحن آلدی
زهرانی سولان گُللر اشکیله یولا سالدی
آهویِ حرم گیتدی، اطفالی مَلَر قالدی
سویلردیله دنیاده ایوای آناسیز قالدوخ
اولدوخ عجب افتاده، ایوای آناسیز قولدوخ
.
.
دولدوردی نجف شاهی قان یاشیله گوز ابرین
دفن ایلدی اوز روحین، گور بیر او شهین صبرین
وار علّتی زهرانون ایتگین ایلدی قبرین
فکر ایتدی جفا اهلی ظلمونده ایدر طغیان
گنجینۀ آمالی اغیاره اولا پنهان
.
.
زهرانی قویوب قبره اَشکی یوزینه آخدی
بلبل گُلی ترک ایتمز، حسرتله دوروب باخدی
بیر آه چکوب کونی یاندیردی او دم یاخدی
وار حقّی دیسم اَشکی بارانی خجل ایلر
زهرادن علی آیا آیریلسا گورون نیلر
.
.
آخِرده گلوب جوشه دریای مُحَن داشدی
بلبل او زمان گلدی حسرتله اوزاقلاشدی
گلدی حَسَنینیلن منزلده بیر آغلاشدی
سویلَری اولون آرام، چوخ ایلمیون افغان
بو گوز یاشوزا آخِر عالملر اولا قربان
.
.
ای نازلی حُسینیم سن گلمه بیله فریاده
بو گوز یاشی بو شیون زهرانی سالور یاده
باخدوقجا سنه یانّام، من بو غم عظماده
دیواره یوزون قویما گرد اَلَمه باتما
توکمه یوزه گوز یاشون گَل زینبی آغلاتما
.
.
سن شیونه گلدوقجا فریاده گلور زینب
اشکون یوزه آخدوقجا گوز یاشون اَلور زینب
باخ گور نجه آهو تک حسرتله مَلور زینب
آرامیمی سلب ایلور بو زینبون افغانی
فریادی سالور یاده اول دشت غم افزانی
.
.
گوز جامی بو ماتمده اشکیله نجه دولماز
عالمده آنا چوخدور، زهرا تک آنا اولماز
گلشن پوزولا آیا گُللر سارالوب سولماز
گلشن پوزولوب گتدی، گُللر سارالوب سولدی
کلثوم و خانم زینب عالمده یتیم اولدی
.
.
بیر یاندا حسن اشکین گُل عارضینه باغلار
بیر یاندا حسین اِیله حسرتله باخار آغلار
سوزِ دلی دنیانی، معناده اونون داغلار
بیر یاندا خانم کلثون نِی تک گلور افغانه
بیر یاندا توکر زینب گوز دُرّینی دامانه
.
.
آی دوره سین اولدوزلار آلمشدیلا چون هاله
پوزقون گوروب اولدوزلار اول ماهی ایدوب ناله
اودوزلار آرا بولمم آی قالدی نه احواله
اشکیله یداللهین گوز کاسۀ دولموشدی
اطفالنه بو غمده سر خیل اوزی اولموشدی
.
.
ای اعظمی بو غمده گَل ناله و فریاده
بیهوده یِره عُمرون صرف ایلمه دنیاده
یاز نوحه خانم زهرا اجرون ویرر عقباده
نوکر خانما تحفه گوندَرسه قبول ایتمز
محبوبۀ عالمدی محشرده ملول ایتمز
.
.
نظر دهید