زبدةالاشعار

ای پناه آوارگان حق گل حسینیوی سال یولا باجی #مصیبی_تبریزی

زبانحال حضرت امام حسین (ع) با حضرت زینب (س) در وداع
.
✍️ زبدة الاشعار ✍️

?: @nohe_torki
.

محمد علی مصیبی تبریزی
.
ای پناه آوارگان حق
گل حسینیوی سال یولا باجی
من شهید اولوم راه عشقیده
سیزده باغلانون قول قولا باجی
.

دعوت ایلیوب ئوز حریمینه
حیدر اوغلونی حیّ لایُریٰ
باش یارالی سینه یارالی دور
یاره اوستونه چوخ دگوب یارا
لیک آتش وصل لایُریٰ
آز قالور یانان قلبیمی یارا
من بوقصدیلن کعبه دن چیخوب
دوشموشم بوسمته یولا باجی
.

آلتی دفعه من ائتمیشم وداع
توکمیسن یوزه اشک آلیوی
آخرین وداعیم یتوب باجی
گل گوروم مفصّل جمالیوی
آز قالور فلک داغ فرقته
دوندره منیلن وصالیوی
کربلاده سن قالگیلن هله
قوی منه نه اولسا اولا باجی
.

متن پیشنهادی:  بو دیارِ غم‌فزادور، نینوا صحراسی زینب #کریمی_مراغه_ای

من گرک دی باشدان گئچم باجی
تا وفا ائدم عهد ازّله
شمریلن سنانه وئرم باشی
باشلانا منه آیری مرحله
ساربان بو قوللاریمی کسه
بسلیم بو بارماقی بَجدله
عاقبت باشیم نوک نیزه ده
نیّر سماوات اولا باجی
.

آمر به معروف اولمیشام
نهی منکره آتمیشام قدم
بیله یولدا عباسیمین ائدوب
کوفیان اوزون قوللارین قلم
قارداشیم ابوالفضلیدن صورا
زینبیم گرک یاتماسون علم
گویدن اود یاغا یردن اوخ یاغا
دین گرک تاپا اعتلا باجی
.

یوخدی ذره خوفیم بو لشگرِ
بی شمار و پر ازدحامیدن
ذبح ائدﻠﻠﻪ بو قوم کین منیم
باشیمی چکم ال مرامیدن
نوک نیزه ده قانلی باشیمه
داش ووراللا ویرانه شامیدن
اگمرم ولی خصمه باشیمی
دللره شعاریم دولا باجی
.

زین العابدینه گرکدی من
تاپشورام باجی انقلابیمی
چون او ناخوش احوالیدور ئوزون
آل اله رکاب عقابیمی
قویما آغلاسین نازلی قیزلاریم
یا کی خانه ویران ربابیمی
اصغرین فراقینده قویما سن
زلفینی آناسی یولا باجی
.

متن پیشنهادی:  کیستند اهل جهان بی سر و سامانی چند #پندیات_صائب_تبریزی

چوخ گوزاولگیلن اهل بیتیمه
شام وکوفه نین یوللاریندا سن
دشمنیم مبادا کی باغلیا
قوللارینا قیزلاریمین رسن
چوخدی یولدا قمچی ووران باجی
هم آدام دوگن همّی یول کسن
قیزلاریم مبادا پناه آلا
توپراقا داشا یا کولا باجی
.

فاطمه بالاسی قاچار مگر
تیر و خنجر و خیزرانیدن
زاده علی ایلمز هراس
شمریدن ، یزید و سنانیدن
آه و داد و فریاد اولا ولی
بیله مردم بدعنانیدن
نامه یازدیلار داندیلار اونی
دین لرین ساتوبلار پولا باجی
.

سانما تک قالارسان جهانیده
قلبیلر رکابینده دور سنون
عالمین گوزی شامیده قوران
قانلی انقلابینده دور سنون
سربلندیِ مکتب ولا
عصمت و حجابینده دور سنون
قویما معجرین دوشسون اللره
زلفون اهرمنلر یولا باجی
.

متن پیشنهادی:  ای خراسان شهرینه زینت سلام اولسون سنه #رضویه_دلکش_زنجانی

آخرین سوزوم زینبیم بو دور
گوزدن آتما نازلی رقیّه می
قویما آه ئورکدن چکه قیزیم
یاندیرار اونون آهی عالمی
قارداشون گئدور مقتله طرف
تاپشورور سنه غملی مخیمی
قالدین ایندی سن بیرده بوقشون
بیرده قورخولی کربلا باجی
.

باغبان عشقم منیم گوزوم
گولشنون صولان گوللرینده دی
نوک نیزه دن قارداشون گوزی
شام وکوفه ده ائللرونده دی
باخ« مُصیّبین »عرض حالینه
گوزلری سنون اللرینده دی
قویما سینه سی بحر خوفیده
تیر درده آماج اولا باجی
.

#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
#وداع
#ای_پناه_آوارگان_حق
#مصیبی_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی