خطاب به کربلا
.
✍️ #زبدةالاشعار ✍️
.
🆔: @nohe_torki
.
مرحوم فاکر تبریزی
.
ای کرب و بلا سندہ کی قربانلارا قربان
ناحق او بیاباندا آخان قانلارا قربان
.
.
ای کرب و بلا سن نه گوزل آدلی مکانسان
اسموندی قویان چشم حسینی لری گریان
جانانینه بیر جمع وئروب سنده سوسوز جان
جاندلار ائله بیر جمعه، ائله جانلارا قربان
.
.
ای قانینی توپراقینه بیر جمع قاتان یر
یوخ شأن و شرافتده سنه بیرجه چاتان یر
اشرفدی هامی یردن او بیر عده یاتان یر
سنده باش اگن شاهلارا سلطانلارا قربان
.
.
بیر یر هانی سندن اولا تا شأنیده برتر
ای تربتی محبوب خدا جسمینه بستر
دل سنده کی شش گوشه اولان قبری چوخ ایستر
بیر شه ایکی شهزاده او عطشان را قربان
.
.
قان اولدی گوگل کرب و بلا ذكر غمینده
بیرجه نولی گوز یاشلی دوریدوق حرمینده
وار چشم امید اول شه خوبان کرمینده
ائتدیکلری چوخ لطف و چوخ احسانلارا قربان
.
.
یوخدور بو شهین دهریده مانند و نظیری
حیرتده قویوب همتی هر شاه و امیری
اسلامه فدا پیر و جوان طفل صغیری
بیر گونده ائدن جان او مسلمانلارا قربان
.
.
جان وئردی اوزی تشنه نه تک مقصده یتدی
قارداش اوغول اوز گئتدیگی مقصودیله گئتدی
یارانی گلن تیره وجودین سپر ائتدی
اوخدان پر آچان پیکری شان شانلارا قربان
.
.
دین اوسته هانی بیر شه ئولوم جامینی ایچسون
اصحابی هامی یاوری جاندان ائله گئچسون
لیلا کیمی یا اوغلونا خلعت أوزی بیچسون
سیر ایلین ایمانه او ایمانلارا قربان
.
.
سو صحبتی چون طاقت ابوالفضلیدن آلدی
اطفالین عطش ناله سی گوردی چوخ اوجالدی
بیر مشگ سوسوزلاردان آلوب چگنینه سالدى
جانین ائده تا دیده سی گریانلارا قربان
.
.
صد حیف اولا اما هامی زحمت تلف أولدى
زحمتلرینون حاصلی آه و اسف اولدی
دورت مین اوخا سقا اوزی مشگی هدف اولدی
حالیندن اولان حالی پریشانلارا قربان
.
.
اوخلاندی سو مشگی سوئی قانی کیمی آخدی
حفظینده الى اولمادی آخدیقجا سو باخدى
یاندیردی او حسرت دل سوزانینی یاخدی
بو غمده یانان سینه ی سوزانلارا قربان
.
.
باغلاندی گینه کرب و بلانین یولى یارب
سنسن گئجه نی گوندوز ائدن گوندوزی یا شب
قان اولسون اورکلر بئله قویما سنی زینب
بو غصّه ده «فاکر» اورگی قانلارا قربان
.
.
#کربلا_فاکر_تبریزی
#آرزوی_کربلا
#ای_کرب_و_بلا_سنده_کی_قربانلارا_قربان
#ترکی
.
✍️ #زبدةالاشعار ✍️
.
🆔: @nohe_torki
نظر دهید