زبدةالاشعار

ای کلام الله ناطق معنی قرآن عم اوغلی #فاطمیه_سعدی_زمان

وصیت حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
#سبک_ای_ویرن_ویرانه_یرده … 4سبک
.
مرحوم حسینی #سعدی_زمان
.
ای کلام الله ناطق معنی قرآن عم اوغلی
گل تلاوت ایله قرآن جانویروم آسان عم اوغلی
ای مسیحایه ویرن دم
اسم پاکی اسم اعظم
.
.
ای جمال اللهه مظهر مطلع اسماء حسنی
ذوالجلاله وجه باقی سرّ جنب اللهه دارا
باشیم اوستونده گل اگلش جان ویرور جانانه زهرا
ای یوزی مرآت جانان شمع بزم جان عم اوغلی
.
.
نوحین ای باب نجاتی خضره معطی آب حیوان
تاپدی فصل وصل پایان باشلانور ایام هجران
عمریمون کشتیسی سیندی ایتدی غم دریاسی طوفان
ساحله گل چک بطولی لنگر امکان عم اوغلی
.
.
روحه لذتدور بلورسن استماع صوت قرآن
ایلیه خاصه تلاوت سن کیمی مرآت یزدان
ایله بیر یاسین تلاوت روحیمه ویر خط شایان
ای ویرن داوده نغمه صوتوه قربان عم اوغلی
.
.
ای وجود پاکی نخل عالم ایجاده هسته
مؤمن و کافر ئولنده سن گلرسن باشی اوسته
باشیمی گل آل کناره جان ویرور بو دل شکسته
تاپشور عزرائیله آلسون جانیمی آسان عم اوغلی
.
.
اولدی اون سگیز ایل عمروم بو جهان بی وفاده
گلمدیم عمرومده بیر گون من بو دار ابتلاده
یوخسا اوَّلدن مشیت بیله ایتمیشدی اراده
گُولمسون اون سگیز ایلده فاطمه بیر آن عم اوغلی
.
.
ایلیوب زهرانی دعوت گر چه پیغمبر بهشته
مندن اوتری حی اعلا ایلیوب زیور بهشته
من ولی بیر دم وصالون ویرمرم مینلر بهشته
نیلورم سنسیز بهشتی ای گل رصوان عم اوغلی
.
.
مشکله سنسن دوشنده ماسوی اللهین امیدی
اولسا هر قفل شداید اسم پاکوندور کلیدی
گل بو مشکل ساعتیمده گلمه میش رحلت بریدی
مژدۀ آسایشیله قیل منه احسان عم اوغلی
.
.
تا آتام پیغمبر ئولدی من دچار اولدوم ملاله
بار محنتدن بوکولدی قامتیم دوندی هلاله
قویمادی ثانی ایویمده آغلیام من لامحاله
ایلدیم بیر عمر چولده ناله و افغان عم اوغلی
.
.
درگهیم یاندی اوجالدی گوگلره داد و انینیم
غصّه دن قانیله دولدی لاله تک قلب غمینیم
ایلدی بیر ظلم ثانی ئولدی بطنیمده جنینیم
ظلم ثانیدن سرشکیم اولدی گوزده قان عم اوغلی
.
.
ای اولان نفس نفیسی انفس و آفاقه علت
شمس افلاک ولایت مشرقِ هاءِ هویت
آخِر عمریمده واریمدور بیر نچه عمده وصیت
گرچه عالِم سن ولیکن قوی ایدوم اعلان عم اوغلی
.
.
من که ترک ایتدیم عم اوغلی بو جهان بی وفانی
قیل گئجه تغسیل و تکفین جسمیمی دفن ائت نهانی
روحیمی ناراحت ایلر قبریم اوسته گلسه ثانی
راضیم قالسون جهاندا مدفنیم پنهان عم اوغلی
.
.
رشتۀ عشق حسینه بسته دور بو زار و خسته
صوت قرآنین خصوصاً چوخ سور بو دلشکسته
هر شب جمعه حسینی حاضر ایله قبریم اوسته
ایلسون اوغلوم تلاوت آیۀ قرآن عم اوغلی
.
.
آغلاسون قویما حسینیم ایلسون فریاد و شیون
آغلیاندا گوز یاشین سیل رأفت ایله هر زمان سن
آغلاسا بو نور عینیم شوره گللم آغلارام من
ایلرم گوز یاشیمیله عالمی طوفان عم اوغلی
.
.
سن کلام لم یزلده قل هواللهه مثل سن
زندگی بخش خلایق منزل پیک اجلسن
باشی اوسته بو حسینون جانویرن ساعتده گلسن
سو گتور قویما حسینیم جان ویره عطشان عم اوغلی
.
.
خسته دور جسمیم ضعیفم چکمیشم از بسکه چوخ غم
حقلیم تأخیریم اولسا گلمسم سندن مقدّم
سن ولی مندن قاباق گل ای ولی الله اعظم
قویما اینجیتسون حسینی لشکر عدوان عم اوغلی
.
.
جسمی گولدور بو حسینون دوزمرم بیر خار باتسون
عزت اسلام اما بوندادور بو قانه باتسون
راضیم توپراقلار اوسته قان ایچینده عور یاتسون
گون ایوینده قالسون اوچ گون پیکری عریان عم اوغلی
.
.
بیر « حسین » آدلی « فراهت » آل حیدر نوحه خوانی
اولدی « سعدی زمانون » بو بیاناتینده بانی
آرزو ایلولّه چوخدان دید ایوان طلانی
دعوت ائت گلسونله بو ایل وقفۀ قربان عم اوغلی
.
.
#فاطمیه_شهادت
#ای_کلام_الله_ناطق_معنی_قرآن_عم_اوغلی
#کنزالحسینی1 ص 135
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بوگجه گلدی ولایتدن سلال حیدری #17ربیع_عدلی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی