زبدةالاشعار

ای که مخلوق ولی آینۀ خالق سن #صادقیه_بیدقداری

در مدح و مصائب حضرت امام صادق علیه لسلام
#گریز به #غارت_خیام و #قتلگاه
.
✍️ زبدة الاشعار ✍️
.
🆔: @nohe_torki
.
حاج داود بیدق داری
.
ای که مخلوق ولی آینۀ خالق سن
حق پناهینده اؤزون وصلِ حقه شایق سن
صدقه مصداقِ عیان ، جانِ جهان صادق سن
دانش و معرفته جلوه وئروب ایمانون
قوتِ عالمدی سنون سفره دکی احسانون
.
.
ای اساتید جهان علمیده ابجد خوانون
گوستروب یول بشره دانشِ بی پایانون
عقل و عشق و عمل و علمیدی سرگردانون
آفرینش بو جلالیله اولوب مهمانون
جان عالمسن اؤزون جاندی سنون قربانون
.
.
علم و تفسیر و فقاهت که بیزه قانون دور
هر اوچی عالم هستی ده سنه مدیون دور
درس عقل اؤرگدیر اُول کَس که سنه مجنون دور
میوۀ عقل و فقاهت بیتیرور بستانون
ملجأءِ اهل ولایتدی گوزل دامانون
.
.
سنی انکار ائلین صاحب ایمان اولماز
عملینده او کسین صورت اولار جان اولماز
مین لر عالمده اولا جابر حیّان اولماز
گورمیوبدور اؤزونه بیله بشر ادیانلار
یا مُفضّل کیمی هیهات گوره دورانلار
.
.
بوبصیر اولدی بصیر آلدی شرافت سندن
عالمه جلوه وئروب نور هدایت سندن
تاپدی معنا اوجالوب عشق و عبادت سندن
دئیولور شیخُ الائمّه آدیوا هر یاندا
منطقِ حق اوجالور سن بویوران بُرهاندا
.
.
گوروم الله ائده لعنت او شقی منصوری
اؤز اؤزون ایلدی ابلیس جفا مأموری
ایستدی گیزله ده عالمده فروزان نوری
وئردی دستور اولوب حمله گوزل درگاهه
اود ووروبلار قاپیوا باخمادیلار اللهه
.
.
اوندا کی ظلمین الی دامِ عداوت قوردی
غاصب حقِّ علی منزلیوه اود ووردی
بو عمل حضرت زهرا اورگین یاندوردی
اود قوتاردی او گئجه چکدی شرر دامانین
گوردیلر آغلیوسان بیلمه دیلر برهانین
.
.
سوروشوبلار آقا علّت ندی دل داغلورسان؟
گوز یاشین صورتیوه سیل کیمی باغلورسان
یئریورسن کولون اوستونده بئله آغلورسان؟
بویوروبسان که بیلون نوحه گرِ یارانم
دوشوب عمّه م یادیمه علّت اودور گریانم
.
.
#کربلا واقعه سی صبری کسوب جان آلدی
جدّیمون آیریلیقی عمّه می دیلدن سالدی
خیمه سی یاندی اونون یئرده بیر آز کول قالدی
عمّه مین غملرینه حیدر کرّار آغلار
دیلده وای زینب اونا کشتۀ مسمار آغلار
.
.
گلدی مقتلده دئدی باخ باجیوا آی قارداش
یوخدی سینونده اولان یاره لره سای قارداش
بولونوبسن او سیاق کی بولونر پای قارداش
بئله قربانلیقی امّا گوره هیهات عالم
یاره لر بیر یارادور چاره ائدنمز مرهم
.
.
جان دئین زینبیوم زینبه ای جانانه
شمع سن منده چوخور یئرده سنه پروانه
حیف اولا دوره میزی ایندی آلوب بیگانه
کربلاده دئیه سن یوخدی مسلمان قارداش
باخورام دؤر و بره هر یئر اولوب قان قارداش
.
.
#صادقیه_مدح
#ای_که_مخلوق_ولی_آینۀ_خالق_سن
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای شرفده عرشه تالی منزلتده طور ایمن #رضویه_عابد_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی