زبدةالاشعار

ای کوفیان چوخدور یارام باری گلون اوخ ویرمیون

زبانحال حضرت قاسم (ع) به لشگر شام
.
✍️ #زبدةالاشعار ✍️
.
🆔: @nohe_torki
.
مرحوم عاصی تبریزی
.
ای کوفیان چوخدور یارام باری گلون اوخ ویرمیون
مخیمده یول گوزلور آنام انصاف ائدون چوخ ویرمیون
یوخدور آتام ای قوم شوم
مهلت وئرون گلسون عموم
.
.
بزم محبتدن بو گون سر مست جام و باده ام
هرگز ئولومدن یوخ غمیم بو قیدیدن آزاده ام
گر چه غلامم اکبره اما اوزوم شهزاده ام
ای کوفیان چوخدور یارام باری گلون اوخ ویرمیون
.
.
باشدان آخوب قان چشمه سی بو چشمۀ چشمیم دولوب
قویمور یولی گورسون گوزوم قان پرده سی حایل اولوب
جسممدن از بس قان آخوب دلدن سالوب رنگیم صولوب
ای کوفیان چوخدور یارام باری گلون اوخ ویرمیون
.
.
کوی وفاده من بو گون رخت حیاتی سویموشام
ال چکمیشم باشدان اوزوم شوقیله جاندان دویموشام
اما آنامی خیمده گوز یاشلی آغلار قویموشام
ای کوفیان چوخدور یارام باری گلون اوخ ویرمیون
.
.
نه قان قویور بیرگوز آچوم باری یولی گورسون گوزوم
نه گئتماقا طاقت قالوب نه دورماقا دله دوزوم
صبر ائلیون گلسون عموم واردور اونا دلده دوزوم
ای کوفیان چوخدور یارام باری گلون اوخ ویرمیون
.
.
جسمیمده گر چه یاره لر آخر آچوب باش قان گلور
بونلا بئله باک ائتمرم گورسم گئنه پیکان گلور
باری قویون پیشواز ائدوم سلطان مظلومان گلور
ای کوفیان چوخدور یارام باری گلون اوخ ویرمیون
.
.
دل ویرموشام قانه باتام اوز عهدیمون پا بسته ام
قالموب توانیم چوخ گئدوب قانیم وجودّن خسته ام
خنجر قلیج هر نه گلور الدن ورون عشق اوسته ام
ای کوفیان چوخدور یارام باری گلون اوخ ویرمیون
.
.
هرگز دیمم مهلت وئرون من بیر دقیقه دینجلیم
وار انتظاریم قویمویون بو قدر فریاده گلیم
قورخوم بودور که یتمسون دامان مقصوده الیم
ای کوفیان چوخدور یارام باری گلون اوخ ویرمیون
.
.
شهباز اوج وحدته خوشدور نقدری آچسا پر
بو خسته جانی ائیلرم هر قدر اوخ گلسه سپر
الوان اولان گر لاله تک قانیله محبوبیم سوور
ای کوفیان چوخدور یارام باری گلون اوخ ویرمیون
.
.
«عاصی» بو شهزاده غمین یاز قیل گئجه گوندوز نوا
صدقیله دوت دامانین آل ، سن بیر برات کربلا
قبر شریفینده قوراخ بو بیتیله بزم عزا
ای کوفیان چوخدور یارام باری گلون اوخ ویرمیون
.
.
#قاسمیه #عاصی_تبریزی
#قاسمیه_شهادت
#ای_کوفیان_چوخدور_یارام_باری_گلون_اوخ_ویرمیون
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای بقیع ای غملی قبرستان سلام اولسون سنه #بقیع_حضرتی_ناعمی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی