زبانحال حضرت امام حسین (ع) در بالین فرزندش
.
✍️ #زبدةالاشعار ✍️
.
🆔: @nohe_torki
.
#سبک_ساخلا_ناقه_می_کاروانیدن
.
(احتمالاً از ) مرحوم صافی تبریزی
.
ای کوکب صبح ، ای شبه نبی
کیم سالدی سنی بو حاله على
قان قطره سی ، بو مه طلعتوین
اطرافین آلوب چون هاله على
.
.
نه خوابدی بو قان ایچره اوغول
ای گوزلریمون نوری گوزون آچ
آغلاتما بو جسم اوسته بو قدر
بو خسته و رنجوری گوزون آچ
مشکلدی آتا بو نوع گوره
بو پیکر منشوری گوزون آچ
واردور نقدر عمری یری وار
یانسا بو خط و بو خاله على
.
.
بولمم نه دی بو مهر و بو وفا
دنیایه على اعلان وئروسن
یا اینکه گویون اولدوزلارینی
بو گل بدنونده سان وئروسن
یوخدور نفسون ضعف ایلموسن
یا قان آپاروب یا جان وئروسن
دنیاده دوزه بولمز بیر آتا
اوغلون سالالار بو حاله على
.
.
باشدان باشا بو گل پیکریوه
هر قدر باخور گوز اوخدور اوغول
پاشیده لنوب اعضاء بدن
از بس که یاران چوخ چوخدور اوغول
سنگین دلیموش شام اهلی عجب
بیر صاف یرى جسمون یوخدور اوغول
ای وای منه کیم بو الف قدون
سالدی بیله شکل داله على
.
.
عمرون آز اولوب صبح اولدوزی تک
تیز باتدون اوغول بو گونده نجه
قویدون منی یالقیز گِتدون ئوزون
من تاب أیدرَم هجرونده نجه
تا واردی جهان بو غمده یانار
لیلا نه دوزر گوندوز نه گجه
مدّتی چکوب زحمت یتوروب
بیر سن کیمی هجده ساله على
.
.
یر اوزره قویوب بو گل بدنون
من بیرده نجه خرگاهه گیدوم
گل جسموه نه ال وورماق اولور
تا حمل ایلیم قتلایه نیدوم
لیلایه نه نوعیله یتوروم
حیرانم اوغول نه چاره ایدوم
هر چند بویانام منده بوگون
ئوز قانیمیله چون لاله اوغول
.
.
گر اولماسا بوگل پیکریوین
ای ماه ملک منظر یاراسی
بسدور سنی دلدن سالماقا بو
کتفونده اولان خنجر یاراسی
لیلانی ده طاقتدن سالی بو
یعقوب ستم پرور یاراسی
مشکلدی آنان بیرده یتیشه
گوگلونده اولان آماله على
.
.
ائتدون نه گوزل تحصیل مرام
گچدون ره حقده باشدان اوغول
درک ایلدون الحق فیض حضور
مقصود و مرامون تپبدی حصول
گئچمز او قدر قتله یتورر
سن تک منی ده بو قوم جهول
بو سهلدی باشیمدن گچرم
وئرم ایکی ال جَمّاله على
.
.
#اکبریه_صافی_تبریزی
#اکبریه_شهادت
#ای_کوکب_صبح_ای_شبه_نبی_کیم_سالدی_سنی_بو_حاله_على
#ترکی
.
✍️ #زبدةالاشعار ✍️
.
🆔: @nohe_torki
نظر دهید