در مدح حضرت امیرالمؤمنین (ع)
.
✍️ زبدة الاشعار ✍️
?: @nohe_torki
.
سید عظیم شیروانی
.
ای کی رشک عارضیندن ماه تابان تیتره شیر،
لبلریندن باده و لعل بدخشان تیتره شیر
.
تیتره شن رویوندا اول گیسوی عنبر فامدیر،
یا صبادَن گلشن ایچره شاخ ریحان تیتره شیر
.
ایله میش باد صبا وصف دهانین گوئیا،
غنچه لر یکسر قیلیب چاک گریبان تیتره شیر
.
سن مگر قیلدین گذار سرو گُلرخ باغه کیم
سرو اولوب خم، رشکدن باغ و گلستان تیتره شیر
.
چاک سینه مدن گوروب تیترر گُلِ رخساری
نئجه کیم بلبل قفسده گؤرسه بستان تیتره شیر
.
آرزوی زلف پیچان دهانیندان سنین،
گاه جان جسمیمده پیدا، گاه پنهان تیتره شیر
.
چشم گریانیمده تیترر عارضین عکسی مدام،
اؤیله کیم سو ایچره عکس مهر تابان تیتره شیر
.
حسرت تیغینله تیترر خسته کؤنلوم هر زمان،
سودان اؤتری اؤیله کیم بیمار عطشان تیتره شیر
.
تیتره شیرمی نشئه سیندن قامتین رفتار آرا،
اؤیله کیم باد سحردن سرو بستان تیتره شیر
.
تیتره شن رخسارین اوزره زلف مشکینیممّیدور،
یا سجود شمس ائدیب هندوی عریان تیتره شیر
.
تیتره شیر گؤرجک دل زاریم سنی ای شاه حُسن!
رو ستایی وش کیم اول گؤردوکده سلطان تیتره شیر
.
جسم بیماریم اولوب چشمین غمیندن مضطرب،
لب لرین اندیشه سیندن جسم آرا جان تیتره شیر
.
بسدی بو بیر قطره قانه بونجا بیداد ائتمه کیم،
جور و ظلموندن سنین کؤنلوم اولوب قان تیتره شیر
.
بو قَدَر قیلما جفا، قیلّام شکایت عاقبت،
اول شهنشاهی کیم اوندان کون و امکان تیتره شیر
.
اول شهنشاهِ غضنفر فر کی قهریندن اؤنون،
عرش و فرش و لوح و کرسی، چرخ گردان تیتره شیر
.
اول شهنشاهِ عدو افکن کی هنگام نبرد،
ضرب شصتیندن دلیران زار و نالان تیتره شیر
.
تیرِ تیزِ سَطوَتیندن تیتره شیر ارض و سما،
خوف تیغیندن فلکده شمس و کیوان تیتره شیر
.
اول هژبر خصم سوزی کیم حسامیاندن اؤنون،
رستم پیل اوژن سام و نریمان تیتره شیر
.
اول وَصیّ مطلق و نائب مناب مصطفی،
کیم صفاتِ وصفینه یوز نطق حسان تیتره شیر
.
ای شهنشاهی کی شوقوندن دل و جان تیتره شیر!
شؤق خاک مقدمینله چشم گریان تیتره شیر
.
ای سلیمان سریرِ عزّ و تمکین کیم سنین،
حکمووه مور محقّر تک سلیمان تیتره شیر
.
وحش و طیر و دیو و دد محکومدور فرمانیوه،
امریوه حور و ملک، هم جنّ و انسان تیتره شیر
.
سنسن اول نور تجلّا کیم شعاعیندان سنین،
بولمییب تاب نظر موسی ابن عمران تیتره شیر
.
سنسن اول دریای جود و بخش کیم سندن مدام،
معدن نیسان و کانِ ابر عمّان تیتره شیر
.
سَنسن اول سَروَر کی خاکِ درگهینده قول کیمی،
سنجر و طغرل تکین سلطان و خاقان تیتره شیر
.
هر کیمین کؤنلونده اولسا نقطه ای حُبّون سنی
اول محبت نقطه سیندن نار نیران تیتره شیر
.
سنسن اول شیر خدا کیم صولتیندن هر زمان،
برگ بید آسا هژبر و شیر غرّان تیتره شیر
.
ای سریر سرفراز «لافَتی» کیم روز جنگ،
خوف رُمحیندن تنِ اعداده خفتان تیتره شیر
.
من همان خاقانی آسایم کی شعریمدن منیم،
روح شاه اخستان و ملک شِروان تیتره شیر
.
من همان معجز بیان و سِحر گُستر شاعرم،
کیم کلامیمدن زبان نکته سنجان تیتره شیر
.
لیک جورِ دورِ گرونِ دغادان خاطریم،
محنت و اندوهیله اولموش پریشان تیتره شیر
.
بیر نگاه لطف قیل ای پادشاه انس و جن!
کیم غم دوران اَلیندن منده بو جان تیتره شیر
.
یا علی! لطفون دریغ ائتمه منِ دلخسته دن،
اول زمان کیم معصیتدن اهل عصیان تیتره شیر
.
گر بو نقدِ کم عیار اولسا قبولون یا علی!
رفعتیم بیرله حسددن روح سبحان تیتره شیر
.
«سیّدا»! ترک ائتمه مدح بو شهِ کونینی کیم،
هم مُحبّی شاد اولور هم جانِ عدوان تیتره شیر
.
#حیدریه_مدح
#ای_کی_رشک_عارضیندن_ماه_تابان_تیتره_شیر
#سید_عظیم_شیروانی
#ترکی
.
✍️ #زبدةالاشعار ✍️
?: @nohe_torki
نظر دهید