زبانحال حضرت على (ع) به حضرت فاطمه (س)
.
✍️ #زبدةالاشعار ✍️
.
🆔: @nohe_torki
.
مرحوم شهاب تبریزی
.
ای گل گلزار عصمت فاطمه آچ گوزلرون
ای پیمبردن امانت فاطمه آچ گوزلرون
.
.
ای اولان عالمده محنت شمعنون پروانه سی
غصه و غم همدمی درد و بلا کاشانه سسی
نطقه گل بیر لحظه ای پیغمبرون ریحانه سی
بیر منیله ایله صحبت فاطمه آچ گوزلرون
.
.
دوقوز ایل قلبون بوایوده محنته توش ایلدون
کاسه کاسه متّصل سن جام غم نوش ایلدون
غم الیندن جانوی یکسر فراموش ایلدون
هر غمیله قیلدون الفت فاطمه آچ گوزلرون
.
.
وقت رحلتده سنی ختم رسالت تاپشوروب
امتی ایتسون سنه دنیاده حرمت تاپشوروب
ایلیوب نچه وصیت لر امانت تاپشوروب
ای گل باغ رسالت فاطمه آچ گوزلرون
.
.
بی وفا امت عجب حد وفادہ دوردولار
ظلمیله دنیانی جدّیندن صورا دولدوردولار
یاندروب عالملری آخر قاپون یاندوردولار
ایتدیلر بیحد عداوت فاطمه آچ گوزلرون
.
.
اکتفا بوجور و ظلمه ایتمیوب قوم عنید
ایلدی بیر ظلم ثانی محسنون اولدی شهید
مختصر عمریله حقّون وار اولوبسان موسفید
سنجه غم چکموب بیر عورت فاطمه آچ گوزلرون
.
.
سن اگر بو گون وفات ایتسن ایا کان حیا
دمبدم آغلار دیر کلثوم و زینب وای آنا
هم حسینیله حسن گل تک سولار سندن صورا
ایلمزلر تاب فرقت فاطمه آچ گوزلرون
.
.
من سنون بو محتونده بولمورم قان آغلیوم
یا حسینون محنتنده ایلوم افغان آغلیوم
سنده آغلا بو حسینه منده هر آن آغلیوم
چوخ چکر دنیادہ محنت فاطمه آچ گوزلرون
.
.
بو حسینون چکدون عالمده نقدری غملرین
قویمادون بیر آن غبار آلوده اولسون تللرین
بسلدون چوخ نازیله صبح و مسا گل پیکرین
ایلدون دائم محبت فاطمه آچ گوزلرون
.
.
ایمند دور سال بیر خیاله هر بلاسین فاطمه
قبل مجسم محنت کرب و بلاسین فاطمه
ساربان ظلمیله هم بجدل جفاسین فاطمه
بیر قوراخ بزم مصیبت فاطمه آچ گوزلرون
.
.
بیر یره یتدی «شهابا» رشتۀ شرح بیان
وار یری صدیقۀ کبرا اوزی ایتسون فغان
دوشمه مطلبدن اوزاق باش فردی قیل ورد زبان
ای گل گلزار عصمت فاطمه آچ گوزلرون
.
.
#فاطمیه_شهاب_تبریزی
#فاطمیه_شهادت
#ای_گل_گلزار_عصمت_فاطمه_آچ_گوزلرون
#ترکی
.
✍️ #زبدةالاشعار ✍️
.
🆔: @nohe_torki
نظر دهید