یا مهدی
.
✍️ زبدة الاشعار ✍️
.
🆔: @nohe_torki
.
کربلایی موسی آقایی
.
ای گوزل میر وجاهتسن نه سن؟
شاهکار دست خلقتسن نه سن؟
.
گوزلرون فوزاً عظیما مستیدی
تاجدار اوج عزتسن نه سن؟
.
عَلَّمَ الْإِنْسَانَ مَا لَمْ یعْلَمه
شرح و تأویل و عبارتسن نه سن؟
.
لبلروندن گول ظرافت کسب ائدیر
ناشر روح طراوتسن نه سن؟
.
صف چکیب کیپریکلرون جان آلماقا
صاحب جان جماعتسن نه سن؟
.
قامتوندن شور قد قامت یاغیر
اَلمُثَنّای قیامتسن نه سن؟
.
ظلمتین باغرین یاریبدیر صولتین
مَطلَعُ الاَنوار رحمتسن نه سن؟
.
صورتون شَمسُ الضُّحی دن باج آلیر
بی نهایتدن حکایتسن نه سن؟
.
کیم سنه دِل باغلیوب جاندان دؤیوب
شهد شیرینِ شهادتسن نه سن؟
.
ماه رولر حُسنووه سائلدیلر
وجه دلبردن علامتسن نه سن؟
.
عرش و فرش و کرسی و لوح و قلم
سسلنور خلّاقه زینتسن نه سن؟
.
جان گوزیلن باخسا کیم رخساریوه
جان تاپار بحر عنایتسن نه سن؟
.
شعر «موسی» شأنووه لایق دَگول
شهریارِ شهر حیرتسن نه سن؟
.
.
.
✍️ #زبدةالاشعار ✍️
.
🆔: @nohe_torki
نظر دهید