گوشه ی زندانه باخ …
.
✍️ #زبدةالاشعار ✍️
.
🆔: @nohe_torki
.
#سیدبشیرحسینی
.
ای گوزوم! غفلتده یاتما بیر اویان دورانه باخ
وار طبیعتده نه صنعت قدرت یزدانه باخ
.
.
فرشیدن عرشه یتیشماقه اوخی قرآنی، چات
حّب دنیانی به عشق آخرت باشوندن آت
قاب قوسینه قدم قوی غایت آماله چات
اوچ یئره بؤل آخشامی بیر پایینی سعی ایله یات
بحر غمده غرق اولاندا سسله حقّی، تاپ نجات
آل خدادن روضه ی رضوانه بیر برگ برات
گئت بهشت ایچره صفای روضه ی رضوانه باخ
.
.
باغلاما دنیایه بئل چون بی وفا دنیادی بو
باخگیلان معناسینه پست و دنا دنیادی بو
ایلیین شدّاد و قارونی فنا دنیادی بو
با صفا انسانلارا چوخ بی صفا دنیادی بو
گؤسترن اهل ولایه چوخ بلا دنیادی بو
ایلیین مؤمنلره جور و جفا دنیادی بو
فکر ائله دار بقایه، آخر و پایانه باخ
.
.
ایسته دی دین رشته سین هارون کسه بغدادیده
سعی ائدوب دین باغینه صرصر اسه بغدادیده
اؤن بیر ایل سالدی امامی محبسه بغدادیده
ظلم ائدوبدور یونس بی مونسه بغدادیده
اولمادی بیر آغلیان اُول بی کسه بغدادیده
وئردی زنجیریله کُنده، سس سسه بغدادیده
فرشیدن عرشه اوجالمیش ناله و افغانه باخ
.
.
عاشقم راز و نیازه ای خدای لم یزل!
عشقیمه یئتمز ئولونجه ذرّه نقصان و خلل
چون شعاریمدور منیم حیّ علی خیرالعمل
گلدی جان آلماقلیقا محبسده مأمور اجل
نه گؤرر گون نه گؤرر آی بو فضا و بو محل
گؤزلریمی باغلاماقه آی رضا! بغداده گل
قتلگاه اولموش منه، بو غم فزا زندانه باخ
.
.
ظاهراً گر چه بو یئر تاریک زنداندور منه
چون سنی یاد ایلورم یارب گلستاندور منه
درد اولا، درمان اولا، یوخ فرقی یکساندور منه
یاره ایلوب بوینومی زنجیر آساندور منه
یوخ غمیم چون پنج تن بو یئرده مهماندور منه
حشر اولونجا شیعه نین گؤزیاشی درماندور منه
درده باخ درمانه باخ محبوسه، زندانبانه باخ
.
.
محبس هارون کیمی، زنداندی بو عالم منه
قیزلاریمدان آیری دوشدوم غصّه همدمدور منه
دؤرد طرفدن حمله ایلور چوخلی درد و غم منه
کنده و زنجیر اولوبدی اون بیر ایل مَحرم منه
کیم دوتار غربتده آیا مجلس ماتم منه
شیعه! آغلا هم غریب کربلایه هم منه
گئت بو زنداندان او قانیله دولان میدانه باخ
.
.
عرض ائدوب خلّصنی یارب اُول غریب زندانیده
شاهکین اوغلی اؤنی چوخ اینجیدیب زندانیده
اُول مبارک بوینونی زنجیر کسیب زندانیده
پیکری هی سیلی دگدوقجان اسیب زندانیده
عاقبت موسی جعفر جان وئریب زندانیده
قول قیچی زنجیره باغلی جان وئرن جانانه باخ
.
.
یوخ سؤزوم زلف و لب و ابرو و خطّ و خالیلن
وقتوزی من دوتمارام بیر ایله قیل و قالیلن
پوزموشام من حالیمی بو غملی شرح حالیلن
وار سؤالیم سندن ای عاشق! بئله بیر احوالیلن
حضرت موسی بن جعفر اُول قدر اجلالیلن
بس نیه تشییع اولوبدور دؤرد نفر حمّالیلن؟
تخته پاره اوسته نعش حجّت سبحانه باخ
.
.
#کاظمیه_شهادت #پندیات
#ای_گوزوم_غفلتده_یاتما_بیر_اویان_دورانه_باخ
#ترکی
.
✍️ #زبدةالاشعار ✍️
.
🆔: @nohe_torki
نظر دهید