زبانحال سرور مظلوم در سر نعش علی اکبر (ع)
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم …
.
مرحوم عاصی تبریزی
.
ای گوزوم نور ضیاسی گلمیشم آچ گوزلرون
دوغرانان جسمون فداسی گلمیشم آچ گوزلرون
.
.
سن دگولدون من غریبی سسلدون اِمدادوه
خیمه ده آلجاق سسون گلدیم یتم فریادوه
بیرده سس وئر بو سسه قربان کسیللم آدوه
ای گوئول ذوق و صفاسی گلمیشم آچ گوزلرون
.
.
جسمیوی اعدا ائدوب شیرازه دن قرآن کیمی
قطره قطره تللرونده قان دوروب مرجان کیمی
حالیمی حالون پوزوب بوطرّۀ افشان کیمی
ای وجودی غم نماسی گلمیشم آچ گوزلرون
.
.
ای منی دشمنلر ایچره بی کس و یالقوز قویان
گون قباقندہ قوم اوسته بئله یاتما بیر اویان
خیمه لرده گوزلوری یول لیلی بی خانمان
گوئلمون وار مدّعاسی گلمیشم آچ گوزلرون
.
.
ائیلیوب جسمون قلجلار قطعه قطعه بندبند
دستۀ گل تک داغلموش أی جوان دل پسند
وار یری افلاکه اولسون آه و فریادیم بلند
آهمون یوخ انتهاسی گلمیشم آچ گوزلرون
.
.
قویمیوب بوحالت زارون علی منده دوزوم
جان وئرورسن سن، ولی جان اوستیم سن تک اوزوم
دور الیمدن دوت علی اکبر داخی گورمور گوزوم
گوزلرون اولام فداسی گلمیشم آچ گوزلرون
.
.
خیمیه گلجک سسون ای مظهر ختمی مآب
عترت پیغمبره یوز وئردی حال اضطراب
قالدى نه منده توان نه دل لیلاده تاب
ای ایکی جسمین قواسی گلمیشم آچ گوزلرون
.
.
خیمه ده ایندی تیکوب گوز لیلى مضطر یولا
واله و حیران گئدور گاهی صاقا گاهی صولا
بوندان آرتوخ قویما سنسیز باش آچوب زلفون یولا
ای قالان آغلار آناسی گلمیشم آچ گوزلرون
.
.
نطقه گل بیرجه دانیش ای مایۀ صبر دلیم
بلکه بیر نوعی گوئلدن زایل اولسون نسگلیم
دل دیماقدان نطقدن دوشدوم داخی دوتمور دلیم
ای ذبیح حق مناسی گلمیشم آچ گوزلرون
.
.
آغلا «عاصی» روز و شب سن شاهزاده اکبره
گوز یاشون اخذ ائیله توشه عرصه گاه محشره
شاه دین گویا دیردی مظهر پیغمبره
ای گوزوم نور ضیاءسی گلمیشم آچ گوزلرون
.
.
#اکبریه_عاصی_تبریزی
#اکبریه_شهادت
#ای_گوزوم_نور_ضیاسی_گلمیشم_آچ_گوزلرون
#ترکی
.
✍️ #زبدةالاشعار ✍️
.
🆔: @nohe_torki
نظر دهید