زبانحال حضرت موسی ابن جعفر (ع)
.
✍️ #زبدةالاشعار ✍️
.
🆔: @nohe_torki
.
مژدۀ اردبیلی
.
ای یگانه داوریم یوخدی یار و یاوریم
سندن اوزگه اولمادی دادخواه دیگریم
بیرغریب و بی کس و ناتوان و مضطرم
اون بیر ایلدی باغلانوب قید ظلمه اللریم
.
.
حق دیدیم خلایقی حقّه دعوت ایلدیم
دوز یولا جماعتی من حمایت ایلدیم
سدّ راهیم اولدی بیر مرد پست و خیره سر
ظلم بی حسابینه استقامت ایلدیم
.
.
شاهد قضیّه سن تاب اولوبدی طاقتیم
یا حکیم اولوب منیم زیور عبارتیم
بیر قوجالمیش عابدم یا مقلّب القلوب
جور و ظلم دشمنه یوخدی استقامتیم
.
.
دشمنین جنایتی الدن اختیار آلوب
بیر جنایت ایلیوب جانیمه شرر سالوب
محبسین رطوبتی بوینوموندا یاره سی
یاره اینجیدوب منی چاره لر سنه قالوب
.
.
سن منی خلاص ایله محنت و فشاریدن
قورتار ایندی جسمیمی رنج بی شماریدن
راحت ایله غصه دن زادۀ پیمبری
غم یوروبدی دویموشام کهنه روزگاریدن
.
.
رحمی یوخدی دشمنین اولمیوب مروّتی
آرتیق اولدی هرنه دن ظالمون شقاوتی
نفی ایدوب دیانتی، غصب ایدوب خلافتی
آل عصمتیله هی باشلیور عداوتی
.
.
کین شعار اولان یقین ظلمین آشکار ایدر
اهرمن خیال اولوب حیلت اختیار ایدر
تنگ ایدر زمانه نی شیر داور اوغلونا
آللادار جماعتی کسب اعتبار ایدر
.
.
عاق اولار پیمبره افترا دییر منه
گورسدر شقاوتین افترا دییر منه
تازیانه اندیرر سجده حالی باشیمه
دمبدم ویرار منی بی نوا دییر منه
.
.
دین و مذهبین ساتار بش گونون هواسینه
ظلم بی شمار ایدر شیعه لر آقاسینه
بیر قارانلوق حبسیده ساخلیار امامینی
افتخار ایدر ره و رسم پر خطاسینه
.
.
سندی ابن شاهکین اولموشام نشانه سی
تیر جان ستان اولوب الده تازیانه سی
بیلمورم نه ایستیور مندن عبد اهرمن
هانسی حق سوزوم اولوب دشمنین بهانه سی
.
.
همدمیم ملال و غم مونسیم غم و الم
یالقوزام بو یرده من ای خدعی ذوالکرم
منجنیق غم سیخوب قلب زار و خسته می
درد و غمدن ایستورم بو جهاندا دینجلم
.
.
یا حلیم و یا حکیم یا رحیم و یا کریم
یا مقیم و یا عظیم یا قدیم و یا علیم
عمرومی قوتار بو دم یا مغیث و یا مغیث
یا رفیق و یا شفیق یا حمید و یا زعیم
.
.
یا جلیل و یا جمیل یا خبیر و یا بصیر
یا شهید و یا غفور یا قدیر و یا نصیر
حبسیدن خلاص ایله جعفر اوغلی کاظمی
جان یتوب دوداقیمه یا منیر و یا مدیر
.
.
حالیمی بیلن توکور گوزدن اشک آلینی
درد بی نهایتیم آرتیریر ملالینی
«مژده» نوحه لر یازیر محنت و فشاریدن
سسلیور منیم کیمی حیّ ذوالجلالینی
.
.
.
#کاظمیه_شهادت
#ای_یگانه_داوریم_یوخدی_یار_و_یاوریم
#مژده_اردبیلی
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید