زبانحال حضرت ام البنین (س) به عبداله ابن عباس (ع)
.
✍️ زبدة الاشعار ✍️
.
🆔: @nohe_torki
.
سبک :: دولانور علی قیزی مقتلی و … بالام آغلاما … باجی دور گئداخ …
.
حاج علی پورعلی (جاهد)
.
بئله قویما بوینوی چیگنیوه
بئله ائتمه باغر یمی قان بالا
کی بابان سفرده دی اشگیوی
بئله گوزدن ائتمه روان بالا
.
.
اورگینده وار نه غمین دئنن
بالا دلده غصه وی ساخلاما
آناوا دئ چاره یولون تاپوم
بئله غملی سینمی داغلاما
بئله آه چکمه عزیز بالام
بئله توکمه اشگیوی آغلاما
کی سن آغلیاندا الولانیر
رگ و استخوانیم عیان بالا
.
.
.
ساری گول کیمین سارالان یوزون
منی یاندیریب یاخیر آی بالا
وورور اود نهادیمه بر ملا
یوزه گوز یاشیم آخیر آی بالا
ائله بیل کی سینمه ائلدیریم
گئجه هم گونوز شاخیر آی بالا
بئله غملی یولّارا باخما چوخ
نگران بالا نگران بالا
.
.
.
گل اوتور بو دیزلریم اوسته،قوی
تلیوی داراخلیوم آی بالا
آنا سسله نازیله ، جان دیوم
گوزوم اوسته ساخلیوم آی بالا
صفحات دفتر عمریوی
سنیله واراخلیوم آی بالا
بویووا دویونجا باخوم دیوم
سنه جان بالا- سنه جان بالا
.
.
.
یا راشیر بو قامت سرویوه
نه گوزل بو مشگ و لوا اوغول
قوری مشگی چیگنیوه گل سالیم
یری، قوی باخیم بویوا اوغول
سنه دلده نقشه خیالیله
چکیم ایندیدن طویوا اوغول
بویووا بو غملی آنان فدا
غمین اولسا ایله بیان بالا
.
.
.
سن علم دوتاندا امیدیمین
یخیلان ائوینده چراغ یانیر
دیرم کی بام امیدیمی
پر آچاندا مرغ هما تانیر
وطنه گلیب اوجا بوی بالام
ائو یمیز دوباره ایشیقلانیر
گنه گئت گلیم چوخالار، گلر
بو سرایه حاجت آلان بالا
.
.
.
گل علم گوتور بئله فرض ائله
بورا کربلادی بلاسی وار
قوری مشگی چیگنیوه سال یری
کی بو مشگین آیری نماسی وار
سوا گئتمه نهر فراتیده
کی سویون بیر آیری بهاسی وار
خبر آلما قیمت آبدن
قالا ، قوی بو سرّی نهان بالا
.
.
.
ولی بیر سفارش ائدیم سنه
بو سوزی همیشه قولاقه آل
منه قول ویر کی عُمور بویی
بو سفارشمده وفالی قال
بالا هر مکانیده هر زمان
سو ایچنده اصغری یاده سال
کی بو شیر خواره نی تشنه لب
ائلیوبله تیره نشان بالا
.
.
.
#سبک_بالام_آغلاما_گلوم_آغلاما ( 7 سبک برای سینه زنی و زنجیر )
.
.
#حضرت_ام_البنین
#عبداله_العباس
#بئله_قویما_بوینوی_چیگنیوه
#جاهد
#ترکی
.
✍️ #زبدةالاشعار ✍️
.
🆔: @nohe_torki
نظر دهید