خروج از مدینه
زبانحال امام حسین (ع) در مرقد شریف جدش حضرت رسول اکرم (ص)
.
✍️ #زبدةالاشعار ✍️
.
🆔: @nohe_torki
.
مرحوم تابع دین
.
.
بابا گلدیم ایدم قبرون زیارت یارسول الله
حسینون قلبینی یاندیردی فرقت یارسول الله
.
.
ایله تنگه گتوردی سینمی بو گردش دوران
منی بیر مجلس خاصه چکوبلور جبریلن مروان
او مجلسده منه ایراد ایدوبدور بیر بله فرمان
یزیده مندن آلسین دست بیعت یارسول الله
.
.
اوزون آگاهین من ال یزیده وئرمرم اصلا
وجودیم قطعه قطعه ریزه ریزه اولسا سرتاپا
بو امره راضیم عالمدی قلبیمدن حق یکتا
ولی من اولمارام بانیِ بدعت یارسول الله
.
.
مزار پاکوی گلدیم گورم ای سرور بطحا
قسم بو قبریوه روحاً ویرولر چوخ منه ایذا
قانادسیز قوش کیمی قالموبدی منده طاقت و یارا
کیمه من ایلیوم کشف مصیبت یارسول الله
.
.
یزید ایستیر بابا پوزسون اساس دین و قرآنی
ولیده یولّیوب مندن اؤتور بیر قتل فرمانی
هایان سمته گئدوم نیلوم بیر عدّه زار و نالانی
اگر چوللرده ایلوم من اقامت یارسول الله
.
.
زمانه محنتی گتدی ایله بو سینمی درده
بو محنتده آخار گوز یاشی گوزدن عارض زرده
بودور سندن تقاضام ایستسه گوگلون منی بیرده
دیار کربلایه ایله رجعت یا رسول الله
.
.
اگر چه دویمادیم بو مدّتی سندن خداحافظ
علاقه رختنی من سویمادیم تندن خداحافظ
منی دشمن آیردی اینجیمه مندن خداحافظ
ولی وار قلبیده آرتوخ محبّت یارسول الله
.
.
بابا ایستیر یزید اسلامه بیر نقش عدم ویرسون
نهال دینه کفرون تشه سینی دمبدم ویرسون
ولی من قویمارام هند اوغلی بیر بلاه قدم ویرسون
اگر من باشلیام دین اوسته نهضت یارسول الله
.
.
جهانون اهلینه وئرسون بو نهضت درس ایمانی
گورن بو نهضتی اوز دینیون اولسون نگهبانی
آیلسون خلق بولسون واردی دینون تشنه قربانی
جماعت ایلسون اسلامه خدمت یارسول الله
.
.
بو سوزده سندن عذروم وار دیسم ای خاتم المرسل
یزید مندن ال ایستر بیعته وئرسم شل اولسون ال
ولیکن دین یولوندا خرداجا بارماقیمی بجدل
باشیمی شمر کسسه وار رضایت یارسول الله
.
.
بابا ویرمز حسینون پاک الینی دست ناپاکه
بو سوزعین حقیقتدور یولوم یوخدور منیم باکه
اگر برگ خزان تک دوشسه قولّار جسمدن خاکه
او دم آرتار حسینونده سعادت یارسول الله
.
.
بابا جبراً کنار اولّام ائلیمدن اقربالردن
یقین اولماز وجودیم بیرده آسوده بلالردن
ولی آلّام مشامه عطریوی باد صبالردن
منه بسدور او غربتده بو نکهت یارسول الله
.
.
گرک ئولسون حسین دین و شریعت پایدار اولسون
زمانه اهلینه سلطان عصره ثم عار اولسون
گرک هند اوغلی تاج و تختدن جدّا کنار اولسون
بو منصبده یزیده یوخ لیاقت یارسول الله
.
.
دیمم من سلنتده اگلشیم ای رهبر عالم
دیمم من تاج و تخت اوسته اولیدیم شاد و هم خرم
دیییرم دستگاه کفری اما ایلیوم بر هم
جهان اهلین آیتسون بو شهامت یارسول الله
.
.
باشیم نوک جداده گزسه شام و کوفه بازارین
دالمجا ناله سی افلاکه چخسا زینب زارین
ویا قمچی قرادسا قولّارین مه پاره قیزلارین
جهانه کشف اولار اصل حقیقت یارسول الله
.
.
اوجالدار تابع دین نی کیمی افلاکه افغانی
غم و اندوهیموزدا وار اونون بیر چشم گریانی
یانار بیر شمع تک نار فراقه قلب سوزانی
مزار پاکوی بیر ایله قسمت یارسول الله
.
.
#خروج_مدینه_تابع_تبریزی
#بابا_گلدیم_ایدم_قبرون_زیارت_یا_رسول_الله
#ترکی
.
✍️ #زبدةالاشعار ✍️
.
🆔: @nohe_torki
نظر دهید