شهادت پیامبر اسلام صلی الله علیه و آله
.
✍️ زبدة الاشعار ✍️
.
🆔: @nohe_torki
.
مرحوم حاج عبدالعظیم ذهنی زاده
.
باتدی خورشید رسالت آغلا یا صاحب زمان
چولقادی آفاقی ظلمت آغلا یا صاحب زمان
.
.
ایلیوب رحلت بو گونده بیر وجود نازنین
رتبه سی ختم رسل وحی خداونده امین
شارع شرع الهی بانی دین مبین
رهبر راه دیانت آغلا یا صاحب زمان
.
.
تربت یثربده بیر خورشید علم اولدی نهان
عالمی ظلمات جهل آلدی او گون باتماق همان
بیر بیره دگدی او گون آی اولدوزوی بیر آسمان
یوزده گوزده اشک حسرت آغلا یا صاحب زمان
.
.
گورسَنوب شمس هُداده بو گون آثار زوال
دوره سینده دوتدی آی اولدوز یوزین گرد ملال
باش آچوب زهرا توکر رخساره گوزدن اشک آل
مرتضی ایلر قیامت آغلا یا صاحب زمان
.
.
بیر دلی که دل دیردی هر دلی وحی سروش
حکمتین اسرارینی اوندان آلاردی گوش هوش
بولمورم یارب نه سَس آلدی خموش اولدی خموش
ایلمز بیر کلمه صحبت آغلا یا صاحب زمان
.
.
ای دریغا گیتدی دنیادن نبیّ مهربان
مهربانی که هامی مهر و وفا اوندان نشان
نقد جانه رایگان مهری، جهانه رایگان
رایگانه بلکه منّت آغلا یا صاحب زمان
.
.
ای دریغا گیتدی بو دار فنادن مصطفی
مصطفی ئیکه اونا بَستِیدی هر مهر و وفا
هم ره مهر و وفاسی بیر جهان صدق و صفا
نه وفا عین محبّت آغلا یا صاحب زمان
.
.
کاش او جسم اطهرین غسلین ویرن پاکیزه سو
سیل اولوب طومار ایجاده ویرِیدی شست و شو
مصطفی سیز عالم خلقتده وار نه آبرو
حیف او آبروی خلقت آغلا یا صاحب زمان
.
.
کاش او توپراق که توکولدی مرقد پیغمبره
بیر یدِ غیبی سَپِیدی دیده ی عالملره
کاش دنیا باشینه توپراق اولِیدی یکسره
اولمییدی بو مصیبت آغلا یا صاحب زمان
.
.
گتدی دنیادن پیمبر دلشکسته دلغمین
امّته تاپشوردی هم قرآنی هم اوز عترتین
سَن وفاسین گور جهاندا بو وفاسیز امّتین
ساخلادی یاخشی امانت آغلا یا صاحب زمان
.
.
بو امانتدن بیری قرآن کلام اللهیدی
نوریدی باشدان باشا هادیِّ هر گمراهیدی
امّت گمراهه جاه دنیوی دلخواهیدی
باشدا سودای ریاست آغلا یا صاحب زمان
.
.
پست فطرت لر باشا شور ریاست سالدیلار
دینی دنیایه سالوب خسران عقبی آلدیلار
آتدیلار قرآنی قرآندان کناره، قالدیلار
دوتدیلار راه ضلالت آغلا یا صاحب زمان
.
.
بی دیانتلر اَلینده دینی عنوان ایتدیلر
اوزلری اوز رَاییجه تفسیر قرآن ایتدیلر
دین آدیله دین ایوین بالمَرّه ویران ایتدیلر
قویدیلار از بَس که بدعت آغلا یا صاحب زمان
.
.
اولدولار جام ریاستله ز بَس که سرگران
حق اَلیندن حقّی آلدی توده ی بازیگران
ایتدیلر پامال احکامی به نفع دیگران
آچدیلار دست خیانت آغلا یا صاحب زمان
.
.
.
#سبک_زینبم_جان_اوستیم
#سبک_یه_سوال_دارم
#سبک_اذن_ویر_یارب_گله و ….
.
.
#پیامبراسلام_شهادت
#باتدی_خورشید_رسالت_آغلا_یا_صاحب_زمان
#ذهنی_زاده
#ترکی
.
✍️ #زبدةالاشعار ✍️
.
🆔: @nohe_torki
نظر دهید