زبدةالاشعار

باجون بو غربتده جان وئروریوخدی بیر نفر آشنا حسین #زینبیه_بوذری_تبریزی

زبانحال حضرت زینب سلام الله علیها در حال احتضار
.
✍️ #زبدةالاشعار ✍️
.
🆔: @nohe_torki
.
بوذری تبریزی
.
.
باجون بو غربتده جان وئروریوخدی بیر نفر آشنا حسین
بو سون نفس باشیم اوسته گل ورد اولوب منه کربلا حسین
.
.
طریق همتله هر یئره فتح پرچمین زینبون ووروب
بلالره صبر ائدوب ولی بیر غم فراقون منی یوروب
چاتوب لب بامه آز قالور عمرومون گونی ایلسون غروب
گوزوم قالوب یولدا گل اولوم سن گلن یولامن فدا حسین
.
.
جهانه تا قویموشام قدم من گوز آچمیشام گل جمالیوه
اورکده یئر ویرمیشم سنون ، نوش جانیله هر ملالیوه
بو دلده قالماز غم و ملال سون نفسده چاتسام وصالیوه
شکسته دل دردمندیوه بیر نگاهون ایلر دوا حسین
.
.
ره وفاده باجون گزوب خانه خانه شطرنج عالمی
محبتون مات ائدوب منی سهل بولموشم رنج عالمی
قدملرون ویرمرم توزون ویرسه لر منه گنج عالمی
غباریوی حیفدور ائده حوریان گوزه توتیا حسین
.
.
بیزیم کیمی باجی قارداشی گورمیوبدی گورمز جهان گوزی
چتین زمانیمدی یاده سال تیکمیشم سنه بو زمان گوزی
عنایت ائت رنجه قیل قدم باغلا سن اوزون ناگران گوزی
نفس دوشوب دور شماریه مرغ روحیم ایلر نوا حسین
.
.
بو افتخاریمدی سن کیمی قارداشا باجی لایق اولموشام
بلایه عشقونده دوزموشم هر مصیبته فایق اولموشام
مگر بو حقیم دگول بو دم گورماقا سنی شایق اولموشام
محبتون زینبه مضاعف قیل ای امیر وفا حسین
.
.
جفائیله توش خار اولان عمرومون گلی آز قالور سولا
دونوب گوزومده ایشیق گونوز لیل تاره چوخ باخمیشام یولا
فراق اودوندا یانان باجون قویما بو قدر انتظار ولا
سنیله همرنگ اولا گتور الده پاره بوریا حسین
.
.
بو تنگنای زمانیده ایله بیر عنایت اوزون یئتور
یانان دله بیرده قوی الون قلبینین درین یاره سین بیتور
محبتین فردکاملی قارداشیم بوالفضلی ده گتور
بسیمدی گر خاکپا یوزه جانیمی ائدم من فدا حسین
.
.
خدا بولور کام دل منه حاصل اولمادی روز گاریده
مشیت ائتمیشدی اقتضا جان وئرم بوغربت دیاریده
اورکده بو آرزومیدی سنله دفن اولام بیر مزاریده
عجب نصیب اولمادی منه مدفن اولماقا کربلا حسین
.
.
سنیله دفن اولماقا منیم اولمادی اگرچه سعادتیم
بودورخیالیم سنون اولاعطریویله آغشته تر بتیم
منی اوزون گل مزاره قوی قالماسون اورکده بو حسرتیم
عنایتون اولسا قبر اولار چوخ بهشتیدن با صفا حسین
.
.
سنیله منده بروزائدوب تک نه باجی نه قارداش عالمی
سنه سزادور من آغلیم سیل اولوب دوتا قانیاش عالمی
باشیمدا کی شور عشقیوه باشدان آتمیشام بیر باش عالمی
جنون گلر دردعشقیوه اولسا کیمسنه مبتلا حسین
.
.
یازیلدی بو نوحه «بوذری» اولدی توشه روز قیامته
جناب زینب مصیبتین ایله الده عنوان شفاعته
یاز آغلا بیر وقفه هیئتی دعوت ایلسونلرزیارته
نصیب اولا یک صدا دئیاخ بارگاه زینبده یاحسین

متن پیشنهادی:  جمال یار کی خالیدی خال خجلتدن #حسینیه_هندی_تبریزی

.
.
#زینبیه_بوذری_تبریزی
#زینبیه_شهادت
#باجون_بو_غربتده_جان_وئرور_یوخدی_بیر_نفر_آشنا_حسین
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی