زبدةالاشعار

باجون بو غربت ئولکه ده گلوبدی جانه گل رضا #حضرت_معصومه_نادربابایی

زبانحال حضرت معصومه(س)به برادر
.
✍️ زبدة الاشعار ✍️
.
🆔: @nohe_torki
.
حاج نادر بابایی
.

باجون بو غربت ئولکه ده گلوبدی جانه گل رضا
مزاره خسته باجووی گل ائت روانه گل رضا
.
.
باجون اوگون مدینه دن خیال وصلیلن چیخوب
اوخوبدی هی بو نامووی ئورک باشیندا هی سیخوب
ولیک امید نخلینی اجل بو شهریده یخوب
کیمه دیوم بو دردیمی گلوم بیانه گل رضا
.
.
دئدیم که پیشوازیمه وفالی قارداشیم گلر
اونی گورنده بو ئورک گلر قراره دینجلر
چتین زماندا حیف اولا فراق اوخی ئورک دلر
بیزه فراقین حصه سین یازوب زمانه گل رضا
.
.
نه لر تصور ائتمیشم بو یولاری گله گله
دئدیم که غم چاتار باشا سنیله وئرسم ال اله
ولیک ناگران باجون سنی گورنمیوب هله
باجون یولا باخاباخا گلوب فغانه گل رضا
.
.
باجی چتین زمانیده تاپار وفالی قارداشین
گوزی ساتاشسا قارداشا آخار عذاره گوز یاشی
دیر اونا ئورک سوزون دانیشدوقیجا سوز باشی
شرار فرقتون اخا چکور زبانه گل رضا
.
.
ئورکده حسرتیم قالار اگر گورنمسم سنی
او بلبلم ایتیرمیشم خزان اسنده گلشنی
باری یتیش بو شهریده ئوزون مزاره قوی منی
بهار عمریده باجون دوشوب خزانه گل رضا
.
.
دیوله غربت ئولکه ده غریبلرین آقاسی سان
غریبه بیر مسافرم که سن اونون رضاسی سان
بو جان وئرن مریضه نون اخا ئوزون دواسی سان
بو ناگران گوزومده یاش دونوبدی قانه گل رضا
.

متن پیشنهادی:  ندن سو کیمی اشگون رواندور علی اصغر #اصغریه_علومی_تبریزی

.
#سبک_دل_شب_ایلیوب_سفر (4 سبک سینه و زنجیر)

.
#سبک_تا_مشکتو_تو_آب_زدی
واگیر برای این سبک از #بابک_اردبیلی
((بو غربت یرده انیسیم آه و فغاندی
هایاندا قالدون رضا جان صبریم تالاندی
گوزوم یوللاردا قالوب قارداش باغریقانم
باجون معصومه وئرور جان تئز گل اماندی
غریبم هارام وار
اؤرکده یارام وار
رضا جان … ))

.
.
#حضرت_معصومه_شهادت
#باجون_بو_غربت_ئولکه_ده_گلوبدی_جانه_گل_رضا
#نادربابایی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  پیک رحمت گلوب دیله #عسکریه_محمدی_ناعم

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی