زبانحال امام حسین (ع) به حضرت زینب (س) در شهادت حضرت علی اصغر (ع)
.
✍️ #زبدةالاشعار ✍️
.
🆔: @nohe_torki
.
#سبک_علی_اصغر_مه_انور … 8 سبک
.
مرحوم صافی تبریزی
.
باجی ای غم خریداری – فغان و ناله مشتاقی
آچیلدی غصه بازاری – گل آل بو قانلی قونداقی
.
.
آپاردیم سو امیدیله بو عطشان طفلی میدانه
الیمده حرمله گورجک آلوب تاپشوردی پیکانه
آچوب اوخ دایه سی صوددن باتوردی صود یرین قانه
گلوب خلعت هواسیله بولوبدور مرحمت چاقی
.
.
سنه چوخ وئرمیشم زحمت دلیل خجلتیمدور بو
قبول زحمت ائت بیرده که آخر زحمتیدور بو
گل آل آرام جانیمدور قرار و طاقتیمدور بو
بو بیر گلدور نثار اولموش بهار عمره یاپراقی
.
.
قضا چون اصغری گوردی باجی چوخ اضطرابیله
تاپوب تقدیری ئولدوردی خیالین بیر خطابیله
ایکیسی ال بیر اولدی بیر اولوب بیر اوخ جوابیله
ولیكن اوخ آتان اولدی بابام پیغمبرون عاقی
.
.
بلا ابری بو گون قالخوب هواده باشباشا چاتدی
چیخان اولدوز گوروب آخدی دوشوب تپراقلارا باتدی
بو بیر قرص قمر دور گون الینده ال به ال باتدی
جفا دستیله سوندوردی بیر او ظلمی بو اشراقی
.
.
آناسینه بویور گلسون آپارسون چکمسون زحمت
الیمده بیر خطالی ال بالاسین ایلیوب راحت
بیر اوخ قویدی کمان اوسته او اوخدان طرح اولوب قسمت
من ایستک لاله گونیمدن بونا قاندان بویانماقی
.
.
باجی گل ایلدی اکبر غمینی اصغریم تازه
وئروب جان تازه دن گویا علی اكبریم تازه
او قانین گئتمه میش رنگی بویاندى الكریم تازه
خدایه شاهد عرض ائتدیم بو ناحق قانه تپراقی
.
.
ربابه وئر خبر سینه بو غمده داغلاسون زینب
آچوب اوز قانلی قونداقین گوزینی باغلاسون زینب
یغوب اوغلى ئولنلردن باشینه آغلاسون زینب
گلوب فریاده دولدورسون اوغول وائیله آفاقی
.
.
باجی بیر خیمه دن دیشره قدم قوی گور نه عالمدور
من اصغر قانینه غرقم او غرق اشگ ماتمدور
ائدر انفاق جان هرکس که جانانیله خرّمدور
چون انفاق آیه سی اولموش بیلون قرآندا مصداقی
.
.
داشوبدور «صافیا» باشدان آشوبدور معصیت سیلی
سنی بو سیلیدن هرگز کنار ائتمز عمل خیلی
ولی دوت دامنین یالوار حسینون اولسا گر میلی
حساب ائتمزله محشرده قالان صورتده الباقی
.
.
#اصغریه_صافی_تبریزی
#اصغریه_شهادت
#باجی_ای_غم_خریداری_فغان_و_ناله_مشتاقی
#ترکی
..
✍️ #زبدةالاشعار ✍️
.
🆔: @nohe_torki
نظر دهید