زبدةالاشعار

باجی بوردا جلوه ایلر حسن یار #ورود_کربلا_هندی_تبریزی

ورود به کربلا
.
✍️ زبدة الاشعار ✍️
.
🆔: @nohe_torki
.
مرحوم حاج عبدالرحیم شباهنگ (هندی تبریزی)
.
باجی بوردا جلوه ایلر حسن یار
وار بو یرده وعده وصل نگار
.
.
بو زمین کربلادور جای عشق
وار بو یرده هر نه وار غوغای عشق
هر کسون باشین دا وار سودای عشق
باش ویروب سودداسین ایلر آشکار
.
.
وقت اولوب ظاهر اولا عهد الست
ایستدیم ویرسون فنا بو جانه هست
ساخلاماز جان هر کس اولسا حق پرست
من کیمی جان ویرماق ایلر اختیار
.
.
بیزلره همدم اولوب جانانه لر
آیریلور عشاقیدن بیگانه لر
شمع سیز حیران گزر پروانه لر
یاری یاریندن فلک ایلر کنار
.
.
چون وورار باجی بلا دریاسی موج
دشمن آرتار دسته دسته فوج فوج
صیر ایله فریادیوه چوخ ویرمه اوج
چون اولار بی تابلوق عشّاقه عار
.
.
بوردا لیلا باده محنت ایچر
جانیدن مرجان تک اوغلوندان گیچر
اوز الیله اکبره خلعت بیچر
گوندرر جانانه اولسون جان نثار
.
.
هر بلا گلسه واریمدی حوصله
اصغرین قنداقینی آلّام اَله
اوخلیوب مقصوده یتسون حرمله
قوی اودا بو یرده ایتسون بیر شکار
.
.
آتش ظلمه وورار دشمن اَتَک
اُلدورللر قاسمی میداندا تک
قان بزر جسمین حنا خونچاسی تک
چون حنا تاپماز الینه قان یاخار
.
.
بوردا عباسین یوزی گل تک سولار
باشی اوسته باجسین زلفین یولار
سویرینه مشکینه القان دولار
او سکینمدن اولار چوخ شرمسار
.
.
باش آچار سینمده یاره گل کیمی
اوخ اوخا پیوند اولی سنبل کیمی
سنده باجی شئره گَل بلبل کیمی
صد هزاران ناله ایله چون هزار
.
.
اهل کینه ظلمدن دویماز باجی
بیر جفا یرده قالا قویماز باجی
رختیمی دشمن دیمه سویماز باجی
هو سویار هم نعشیم اوسته آت چاپار
.
.
وورماسون بوردا قدم اهل مجاز
من گرک بوردا قورام بیر بزم راز
باشیم ایتسون نیزه باشین سرفراز
شامه دین بیرباش آپارسون نیزه دار
.
.
واردی عشقیله منیم باشیمده شور
باش وورور بو دشتدن آیات نور
گاه نیزه گه کلیسا گه تنور
هر بلا باشدان باشدان منیم باشیمده وار
.
.
گاه مطبخده کول اوستونده یاتار
ماسواللّهی بوتون گوزدن آتار
گه بو لعل لب قیزیل قانه باتار
خیزران اوپدوقجا ایلر زخمدار
.
.
چکدی «هندی» دلدن آه آتشین
هر نه یازدی دلدن اولدی دلنشین
ایلیوبدور آغلاماخ از بس ایشین
آب چشم اشعارین ایتمیش آبدار
.
.
#باجی_بوردا_جلوه_ایلر_حسن_یار
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  جان داده جواد ابن رضا بی کس و تنها #جوادیه_بیدقداری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی