#ورود_کربلا
کلام امام (ع) به حضرت زینب (س) در مورد زمین کربلا
.
.
#سبک_الهی_غملی_کوفه_نون
با اضافه کردن واگیر مناسب
.
#سبک_الهی_دفن_ایدیم_نجه
واگیر برای این سبک :
گَرَک بو یرده فدا اولام من
قتیلِ قومِ جفا اولام من
.
#سبک_دل_شب_ایلیوب_سفر (4 سبک سینه و زنجیر)
.
.
مرحوم #ذهنی_تبریزی
.
باجی حسینون عهد ائدوب
بو یرده امتحان وئره
گرک حقیقت عاشقی
حقیقتین نشان وئره
حقیقت اوسته جان وئره
.
.
گرک بیر امتحان وئروب
سالام جهانی حیرته
او سینه ایکه کنزدور
معانیِ حقیقته
بو چولده مخزن ایلیم
سپاهِ بی مروّته
او قدر اوخ دگه نه بیر
حساب اولا نه سان وئره
.
.
ازل بو عهدی ائتمیشم
قورام بو یرده بزم راز
دوشم یارالو قان آرا
ائدم حبیبیمه نیاز
تاپولماسا وضویه سو
قیلان زماندا من نماز
نفس چکنده سو کیمی
سنان یاراسی قان وئرور
.
.
بو عرصه نون حوادثی
محیرالعقولدور
نئجه حوادث اوز وئره
حسینووه قبول دور
بو جاندان آرتیق اکبریم
که مظهر رسول دور
گوزوم ائوینده قان آرا
گرک بو چولده جان وئره
.
.
جهاندا بذل جان فقط
بیر عشق ایچون ثبات دور
که اهل عشقین ئولمه گی
ئولوم دگول حیات دور
نظرده یوخدی باش و جان
بولار مقدمات دور
گرک حسین ئوز عترتین
اسیر کوفیان وئره
.
.
گرک گون اوزلی قیزلاریم
اسیر شامیان اولا
فرنگ و روم اسیری تک
اولا جفایه مبتلا
سکینه هر زمان ائدوب
فغان دئسه بابا بابا
گرکدی قمچی تسلیت
او زاره هر زمان وئره
.
.
گورنده قانلی نعشیمی
یر اوزره پاره پاره سن
نه سیلی وور یوزه نه گل
فغان و آه و زاره سن
بو چولده قویما جسمیمی
گون اوزره قوی مزاره سن
ولی بو شرطیله اگر
سنان و شمر امان وئره
.
.
گورنموسن که توز قونوب
یوزیمه ایله سن فغان
ندور علاجون ائتسه لر
باشیمی زینت سنان
گرکدو بیر گئجه ائده
بو باشی خولی میهمان
جدا باشیندان اندیروب
تنوریده مکان وئره
.
.
بو عهدی ائتمیشم باشیم
گئده یزده ارمغان
یزید مجلسینده تا
ائده حقیقتی عیان
ائدنده قانلی لبلریم
کلام حقّدن بیان
حضور خاصّ و عامیده
جواب خیزران وئره
.
.
گر اولسا ذهن «ذهنی» صاف
غمام شکّ و ریبیدن
او ذهن اولور چو آینه
شعاع نور غیبدن (1)
ــــــــــــــــ
(1) متاسفانه در کتاب ، دو بیت آخر چاپ نشده است.
اگر از دوستان در سایر چاپ ها این دو بیت را دارند به این حقیر ارسال فرمایند.
ــــــــــــــــ
مقدمه این متن با موضوع از #خروج_مدینه تا #ورود_کربلا در هشتک زیر
#آچوب_حضوریوه_ال_یا_رب_ایسترم_توفیق
.
.
.
.
#ترکی #ورود_کربلا_ذهنی_تبریزی
#باجی_حسینون_عهد_ائدوب_بو_یرده_امتحان_وئره
#زبدةالاشعار
نظر دهید