حضرت رقیه سلام الله علیها
.
✍️ زبدة الاشعار ✍️
.
?: @nohe_torki
.
سیفی اردبیلی
.
باخارام ال اوسته جنازوه
گلرم فغانه خرابه‌ده
هامیدان چوخ اکبرئوپن دوداق
بلشوبدی قانه خرابه‌ده
.
.
.
گوزلیم او گونکه ولادتون
سالوب اهل یثربی حیرته
یوزوی گورَن دئدی باخمارام
نقدر بو وار گُل جنّته
باخورام من عالم فکریده
او ولادته بو شهادته
نفسیمدن اود کیمی قوزانور
فلکه زبانه خرابه‌ده
.
.
.
او زمان که هی سنی دمبدَم
قوجاقیندا اکبر ائدردی ناز
رُخِ دلنشینوه مشتری
چوخی اهلِ یثربیدی حجاز
نه آز اولدی نازلی گونون بالا
دوشوب ائللره بئله سوزوساز
یانوری منیم کیمی نُه فلک
اوجالان فغانه خرابه‌دَه
.
.
.
سنی بحر غصّه‌ده گزدیروب
فِتَنِ زمانه بَلَم کیمی
اوره‌گون قانیلا مُژون یازوب
غموی عذاره قَلَم کیمی
یوزوی گوگرتدی جفا الی
یوزی نیلی خسته ننم کیمی
سالوب عمروی خطره بلا
گتوروبدی جانه خرابه‌ده
.
.
.
گوز آچوب او لحظه که خوابیدن
ائلدون نوا گئجه یاریسی
اُسرایِ بیت بلا اولوب
سنه همصدا گئجه یاریسی
بو خرابه منزلی بَزم یار
ائلدون بالا گئجه یاریسی
بوریُوبدی شامی کران کران
دمِ عاشقانه خرابه‌ده
.
.
.
او زمان که دوشدی مَلَرگوزون
طبق ایچره قانه باتان باشا
اوره‌گون قانی قارشوب بالا
قره کپریگوندن آخان یاشا
دوادقون بابا بابا سویلدی
چالنوبدی جام دِلون داشا
سنه روح فاطمه آغلادی
گلوب الامانه خرابه‌ده
.
.
.
دیل آچوب دانشدون ائلیکه سن
سرِ غرقِ خون نگاریله
باریشاردی بلبل خسته دل
دیه‌سن چمنده بهاریله
ایکی مست عشقه باخوب فلک
غم ائوینده چشم خماریله
دل و دلبری یتورور قضا
دئدی آرمانه خرابَه‌ده
.
.
.
نه دیله گلَر نه تصوّره
گوزلیم او منظرۀ محن
ائله بیل که آلدی قوجاقینه
سر باغبانینی نستَرن
اورک ایستیوردی باخا قزیم
یارالی دوداقی ئوپنده سَن
گورَه نیلیوب گُل و بلبله
ستم زمانه خرابه‌ده
.
.
#سبک_بالام_آغلاما_گلوم_آغلاما … ( 7 سبک برای سینه زنی و زنجیر )
.
.
#حضرت_رقیه_شهادت
#باخارام_ال_اوسته_جنازوه
#سیفی_اردبیلی
#ترکی
.
✍️ #زبدةالاشعار ✍️
.
?: @nohe_torki
نظر دهید