راه شام
.
✍️ #زبدةالاشعار ✍️
.
🆔: @nohe_torki
.
فقیر خویی
.
بار الهی بو اوشاق کیمدی هراسان دولانور
نصف شب قورخلی صحراده پریشان دولانور
.
.
آی سالوبدور دل شب ، نورینی دشت و دَمنه
آیری بیر جلوه وئروب ، نیمة شب اول چمنه
اوینوری خار مغیلان یِل اَسن وقته گنه
قورخلی چولده او قیز تکدی هراسان دولانور
گاه بیر سمته قاچور ،گه یخیلور،گه دایانور
.
.
گردش چرخ زمان محنته سالدی باشینی
ویردی قهریله فلک،پنجه ده گیزلین داشینی
اول فلک آلدی الیندن صود امر قارداشینی
شیر دل قارداشینی ، کوفه لیلر دوغرادولار
بالاجا اللرینی ، بیر بیر نه باغلادولار
.
.
سیندیروب دست طبیعت نجه گور شهپرینی
یِل اسنده داغیدور ، باشدا قرا تللرینی
قورخودان گه یوموری ، گه آچوری گوزلرینی
سیخیلوب قوش کیمی بیر گوشه ده محزون دایانوب
گوزلری یولدا قالوب،غملیدی دلخون دایانوب
.
.
عاقبت گلدی دیله فاطمة کرب و بلا
بالاجا اللرینی قوزادی محبوب خدا
دیدی یا رب من هارا، نیمه شب بو چول هارا
او قدَر آغلادی داشلاردا او چولده مله دی
قدسیان عرشیده او ناله یه قانیاش اله دی
.
.
صحبت ایلور اوزونه من علوی اولدوزویام
خوان اجلال علینون دادیام هم دوزویام
باشی دالدان کسیلن شاه جنانین قیزیام
لحظه لحظه او قیزون ناله سی عرشه اوجالوب
دئدی یا رب گورسن عمه لریم هاردا قالوب
.
.
گوردی بیر سس گلوری دختر فرخنده لقا
دیدی عمه مدی، گلوبدو ر منی بوردان آپارا
ناگهان گوردی بیر آتلی ، بالا دوردی ایاقا
غیظیلن اندی آتیندان ثمر تخم حرام
قورخودان دست به سینه، او خانم وئردی سلام
.
.
اهریمن اندی سلیمانه مقابل دایانوب
یرده داش،گویده کی قوشلار بئله ظلمه اوتانوب
تازیانیله سلامین عوضین ظالم آلوب
ساق الین قوزادی ویردی او گُلِ طاهایه
ایله بیل ثانی ویروب سیلی گینه زهرایه
.
.
بولمورم من نجه زهرا بالاسی دوشدی یولا
یاخشی سین یوسف زهرا بولوری، اهل وفا
یازوری بعضیلری ، خاریده قاچدی او بالا
منه چوخ تزدی هله ، پی آپارام مطلبینه
الغرض قافیلیه چاتدی وئروب زینبینه
.
.
باشلادی درد دیلین زینبه باشه گلنی
دئدی چوخ اینجیدوب عمه منی بو قوم دنی
گوزلریندن ایراق اوردان بوراجان ویردی منی
قورخودان آغلامادیم،گورمَدی هئچ گوز یاشیمی
بی بی آچ معجریمی،قمچی یاروبدی باشیمی
.
.
#راه_شام_فقیر_خویی
#بار_الهی_بو_اوشاق_کیمدی_هراسان_دولانور
#ترکی
.
✍️ #زبدةالاشعار ✍️
.
🆔: @nohe_torki
نظر دهید