نوحۀ حضرت زینب (س) بر بالین برادر
.
✍️زبدة الاشعار✍️
.
🆔: @nohe_torki
.
#سبک_یاران_چه_غریبانه #سبک_آی_گویده_کی_اولدوزلار #سبک_آتدان_یره_چون_دوشدی
.
.
مرحوم غمکش
.
باشسیز بو بیاباندا
کیمدی بو یاتان یا رب
گل پیکری میداندا
القانه باتان یا رب
.
.
لامعدی بو اعضادن نور حق بی همتا
بو قدری دگوب یاره یکسر داغیلوب اعضا
بو پیکر مجروحین یوخ صاف یئری سرتاپا
کیمدی بئله جان عشق جانانه ساتان یا رب
.
.
مملوّ ایلیوب عطری بو دشت و بیابانی
نهر اوسته جفاییلن لب تشنه چیخوب جانی
کیمدی بو اولوب غسلی اعضادن آخان قانی
آغلار قالان اطفالی بو گؤزدن آتان یا رب
.
.
زهرا گولودی امّا ظلمیلن اولوب پرپر
توپراقیله یکساندی یئرده داغیلان پیکر
اطرافین آلوب الده اوخ نیزه ستمگرلر
بیر جسمی نشان ایلوب یوزمین اوخ آتان یا رب
.
.
بو یاره لینون آخر وار نسبتی طاهایه
ایلوبدی مسلمانلار ظلم اول گل زهرایه
جاری اولوب القانی جیحون کیمی صحرایه
قارداشیم حسیندی بو مقصوده چاتان یا رب
.
.
بیر جسمیده بو قدری کی زخمه دوام اولماز
هئچ امّتین عالمده مغضوبی امام اولماز
چوخ سعی ائدورم امّا قلبیم گئنه رام اولماز
بلکه کرمون اولسون فریاده چاتان یا رب
.
.
«غمکشده» لیاقت یوخ هر چند الا دربانون
امّا گئنه دوتموش مین امّیدیله دامانون
آگه سن اؤزون شاها منظور نواخوانون
محشرده اولا کاش بو دامانی دوتان یا رب
.
.
#قتلگاه
#باشسیز_بو_بیاباندا_کیمدی_بو_یاتان_یارب
#نوحه_های_محرم_غمکش
#ترکی
.
✍️ ٍ#زبدةالاشعار ✍️
.
🆔: @nohe_torki
نظر دهید