زبدةالاشعار

باشلانوب ایّام عزا یا حسین #ورود_محرم_صمد_ملایی

ورود محرم
.
✍️ #زبدةالاشعار ✍️
.
🆔: @nohe_torki
.
#سبک_نطقه_گل_ای_شاه_شهیدان_حسین
#سبک_ای_باشی_سرنیزده_معراج_ایدن
واگیر برای این سبک
فاطمه دل داغلیور
اهل سما آغلیور
شیر خدا آغلیور
هامی دیور یا حسین
.
مشابه

.
صمد ملایی
.
باشلانوب ایّام عزا یا حسین
سسلر آنان وا ولدا یا حسین
.
.
هر در و دیواره چکیلدی قرا
عالم اولوبدور گنه ماتم سرا
تعزیه آدیله وروبلار لوا
اولدی عزا بزمی بپا یا حسین
.
.
محنتوه ارض و سما آغلوری
یاسه باتوب اهل ولا آغلوری
داده گلوب شیر خدا آغلوری
ایلوری نی مثلی نوا یا حسین
.
.
باشین آچوب ناله ایدور انبیا
صاحب ماتمدی رسول خدا
وای بالا وای سسلوری خیرالنسا
سالدی آنان شال عزا یاحسین
.
.
اولدی بو آی شیعه لرین باغریقان
اشگ توکور عارضه پیر و جوان
اولمادی ویران نیه کون و مکان ؟
ایتدی ستم اهل جفا یاحسین
.
.
گیتدی بو آی زینبوین عزتی
گون بگون باجوین محنتی
دخت علی گیدی قرا خلعتی
عزتی چون اولدی فنا یاحسین
.
.
باغلادی بو آی سو یولون اشقیا
سوز عطشدن یانوب آل عبا
وحشی لر ایچدی او سوئی بر ملا
ویرمدی دلسیز بالا وا یاحسین
.
.
اکبروین بوینونا سالدون کفن
دوغرادی ظلمیله اونی اهرمن
حق اوزی دور عشقوه احسن دین
ایتدین عجب عهده وفا یاحسین
.
.
قاسم شهزاده دلی قان اولوب
گول کیمی گول پیکری خندان اولوب
تازه عروسین ایشی افغان اولوب
زلفنه قان اولدی حنا یاحسین
.
.
وار یری ناله ائلسین نُه سما
چونکه باتوب قانینه صاحب لوا
اولماز ابوالفضل کیمی با وفا
قامتوی ایتدی دوتا یاحسین
.
.
سالدولار عباسین ایکی اللرین
قانه باتوب یتمش ایکی یاورین
پیکری دوغراندی علی اکبرین
شبه نبی دی او بالا یاحسین
.
.
اصغریون حلقنی پیکان بچوب
سو یرینه صود امرین قان ایچوب
کیمدی که آلتآیلوق اوشاقدان گچوب
ایلدی قرآنه فدا یاحسین
.
.
گیتدی الیندن هامی یاورلرین
قالمادی باشوندا داخی لشگرین
اولدی جری گور نجه دشمنلرین
وردولا بی حد یارا یاحسین
.
.
ویرمدی بیر جرعه سو قوم کفر
سو آنا وا مَهر دگولدی مگر؟
قتلگهه دوشموشدون خونجگر
ایتدین عزاداری دعا یاحسین
.
.
ظلمله پیراهنوی سویدولار
گونلر ایونده یارالی قویدولار
غضه لی قلبین باجوین اویدولار
اولدی گرفتار بلا یاحسین
.
.
ظلمله ئولدور دوله قارداشوی
ایتدیله قان گوزده کی گوز یاشوی
کسدی سوسوز شمر سنون باشوی
ایلدیلر زیب جدا یاحسین
.
.
نعشوی زینب که گوروب وای دیدی
یوخدی بوگول جسمه حسین تای دیدی
وردی ایکلّی باشا ایوای دیدی
سویلدی دور یاتما اخا یاحسین
.
.
خیمه لره اوت وروب اهل جفا
قاچدی چوله عترت خیر الورا
قیزلار الی باشدا ایدردی نوا
یا عمو سسلر دیله یاحسین
.
.
آتش غمده یانوب اولدوزلارون
وای بالا سسلردی اوغولسوزلارون
قول قولا باغلاندی بالا قیزلارون
شامه گیدوب دلده نوا یاحسین
.
.
گلدی رقیه یانوا دیده تر
آغلادی توکدی یوزه اشک بصر
گورنجه اولدوم دیدی من در بدر
آل منی آغوشه بابا یاحسین
.
.
توک یوزه اشگ تری «ملائیا»
ایله گیجه گوندوز حسینه نوا
قوخما ایدر دردیوه بو شه دوا
سویله که گلدیم قاپوا یاحسین
.
.
#باشلانوب_ایام_عزا_یاحسین
#ترکی
.
.
.
✍️ #زبدةالاشعار ✍️
.
🆔: @nohe_torki

متن پیشنهادی:  نقش آلوب تا طلعتیم نقاش عالمگیریدن #حبیب_ابن_مظاهر_مصیبی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی