زبدةالاشعار

باشه قرآنی توتوب ایلروخ افغان العفو #شب_قدر #عباسعلی_دهقان

شب قدر
.
✍️ #زبدةالاشعار ✍️
.
🆔: @nohe_torki
.
حاج عباسعلی دهقان(صاحب)
.
باشه قرآنی توتوب ایلروخ افغان العفو
چوخ گناه ایله موشوخ قادر سبحان العفو
.
شیطانون باخموشوخ الله بیلیسن سوزلرینه
آلّادوبدوربیزی ملعونیدی شیطان ، العفو
.
بوگئجه بیز قاپووا گلمیشوخ آغلار گوزیلن
بیزی قورتارگیلا سن کل گناهدان العفو
.
بِکَ یا اللهیلان قرآنی توتدوخ باشا بیز
بلکه عفو ایلییه سن حقّ بوقرآن العفو
.
ختم پیغمبره خاطر بیزی عفو ایله گیلن
بیزی یاندیرمویاسان خالق رحمان العفو
.
فاطمه ختم پیمبر قیزینون خاطرینه
بلکه سن قورتاراسان حشریده اوددان العفو
.
مرتضی خاطرینه سن بیزی عفوایله گیلن
یاردی احیاده اونون باشینی عدوان العفو
.
خالقا اون بیرعلی اولادینون خاطرینه
بیزی قورتار بو گئجه ائتموشوخ عصیان العفو
.
بوش الیله بیزی ئولدورمه باغیشلا گنهی
حشریده ائتمه گیلن گوزلری گریان العفو
.
یوخدی بیر دادرسی قبر ائوینه گئتساق اگر
چوخ قرانلوقدی اورا قورخوروخ اوردان العفو
.
ترک ائدیب هرنه کی وارفانی جهاندان گئدروخ
الی بوش گئتساق اگر یوخ داخی امکان العفو
.
هرنه بیز ایله موشوق نامه ی اعماله یازوب
جوت ملک ایله موسن چونکه نگهبان العفو
.
ال ئوزنده او گونی عورت اوشاق ئولساق اگر
سن ئولن وقته بیزه لطف ائله یزدان العفو
.
پاک ائله نامه ی اعمالیده چوخلی گنهی
وعده وئرموشدون ئوزون عفو گناهان العفو
.
صول اله نامه ی اعمالی بویور وئرمویه لر
حشریده ائتمویه لر عازم نیران العفو
.
بیز اوشاخلوقدان حسین درگهینون نوکرییوخ
او شفاعت ائلییه گئچدی او جاندان العفو
.
صاحبم ایله قبول ذکروعبادت مندن
حشریده عفوائله سن ائتمه پریشان العفو

متن پیشنهادی:  دو چشم آسمان مست قمر شد #اصغریه_لاادری

.
#شب_قدر #عباسعلی_دهقان #رمضانیه
#باشه_قرآنی_توتوب_ایلروخ_افغان_العفو
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی