زبدةالاشعار

باشوون سراغینی آلموشام من اوغول بو منزله گلموشم #تنورخولی_عاصی_تبریزی

زبانحال حضرت زهرا (س) به امام حسین (ع) درتنور خولی
سوال و جواب
.
🔰 زبانحال حضرت زهرا (س)
#باشوون_سراغینی_آلموشام_من_اوغول_بو_منزله_گلموشم
.
🔰 جواب امام حسین (ع)
#آنا_جان_مشرف_ائدوب_عجب_بو_گئجه_بو_منزله_گلمیسن

.
✍️ #زبدةالاشعار ✍️
.
🆔: @nohe_torki
.
مرحوم عاصی تبریزی
.
باشوون سراغینی آلموشام
من اوغول بو منزله گلموشم
سنون ئولماقون بئلیمی بوکوب
اودور علّتی بئله گلموشم
.
.
بولوسن نقدری بو چوللری
باشوون دالینجه دولانموشام
یارالی جنازوی گورموشم
اودی قلبیدن بئله یانموشام
بو همان او قاندی که ساربان
الیوی کسنده بویانموشام
داخی قتلگهده دورانمادیم
باش آچوق بو محفله گلموشم
.
.
نقدر جهان وار اوغول گرک
سنه من گئجه گونوز آغلیام
باشمی آچام ساچمی یولام
بو یانقلی قلبیمی داغلیام
سن ئولنده گوزلریوی حسین
منه ممکن اولمادی باغلیام
اوغول ایتسماقلقا معذرت
من همان او نسگله گلموشم
.
.
بولورم کسنده باشووی شمر
سنی خنجر آتدا چوخ اینجدوب
او جفا سالوب سنی نطقدن
او قدر ووروب یارا قان گئدوب
ائلیوب همان یری بحر خون
بدنون اوغول قانا غرق ائدوب
یارالی وجودون او بحریدن
چکوب ایندی ساحله گلموشم
.
.
گوروب ایندی فاطمه جدّینی
گوزی یاشلی باشی آچوق گلور
الینی قویوب بئلینه علی
گلوری گهی ، گهی دنجلور
حسنیم حسین دیوری آغلوری
یوزه گوز یاشین سو کیمی آلور
ائده جاق دئدیم گنه پنج تن
اولی که مباحله گلموشم
.
.
او یانان خیامیده زینبون
سنه بیر بساط عزا قوروب
ولی نه چراغ و نه فرشی وار
اوزی شمع آهنی یاندوروب
بالالار سیزیلدیسی بو گئجه
بو یانقلی قلبیمه اود ووروب
یانوری وجودیم الولاشور
اودی نی کیمی دله گلموشم
.
.
بولوسن یاناندا قاپوم اوغول
نقدر جفایه دایانموشام
یتشوبدی صدمه وجودیمه
شرر مصیبته یانموشام
هم اوغول قابرقالاریم سینوب
همی سینه دن یارالانموشام
اودور علتی که اوغول حسین
الیمی قویوب بئله گلموشم
.
.
بولورم ئولوب علی اکبرون
ستمیله قلبی شکسته سن
ستم عدودن اوسانوسان
غم و درد و رنجیله خسته سن
دور اماندی سینمه گل اوغول
بئله یاتما ایستیکول اوسته سن
من اوزومده خسته وجودیله
بولوسن بو منزله گلموشم
.
.
نولور قانلی گوزلرون آچ گیلن
ائیله بیر مشاهده حالیمی
دانیش آل اورکده کی دردیمی
گور اوغول بو صورت آلیمی
یوخ الون دیم که منیمده سن
سیل اوزومدن اشگ ملالیمی
نه دیوم بو مطبخ خولیه
من اوغول نه حالیله گلموشم
.
.
دیوری حسین نه ایتم دیوم
سنه نوکرم بئله دم وروم
هله «عاصیم» بئله بابده
نه جسارتیله قدم وروم
دگی صرف نحوده مسئله
او بیانه من نه قلم وروم
یتوروب کتاب مطولّی
باشا من رسائله گلموشم
.
.
#تنورخولی_عاصی_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای نیزه ده قرآن اوخیان باش سنه قربان #کوفه_میرزاحسین_عصری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی