شهادت پیامبر اعظم صلی الله علیه و آله و سلم
.
✍️ زبدة الاشعار ✍️
.
🆔: @nohe_torki
.
کربلایی فخرالدین اسکندری
.
باشیندا قاره فاطمه
اوره کده دیل یاراسی وار
جهانی ترک ایدوب نبی
نه غملی ماجراسی وار
.
واگیر:
یوزه اشک غم توکوب آغلارام
بو مُحَنده سینه می داغلارام
.
.
.
.
.
غروبه یتدی گون باتوب
جهانی مصطفی آتوب
بلا دیوبدی خالقه
وصال ذوالمنه چاتوب
مزار اولوبدی بستری
جوار حقّیده یاتوب
مدینیه خزان یلی
اسوبدی غم فضاسی وار
یوزه اشک غم توکوب آغلارام
بو محنده سینه می داغلارام
.
.
.
.
.
جهان اولوبدی غم سرا
چکیلدی گوگلره قرا
ایچیبدی بادۀ اجل
جناب ختم الانبیا
بو غمده طاق عرشیدن
آسیلدی پرچم عزا
ایدوبدی بزم غم بپا
علینون آه و واسی وار
یوزه اشک غم توکوب آغلارام
بومحنده سینه می داغلارام
.
.
.
.
.
گوزل یوزونده گوز یاشی
اورکده یاره فاطمه
دیلینده وای بابا بابا
باشیندا قاره فاطمه
حزین سسیله لایِلای
چالور هماره فاطمه
جهانی یاندیروب یاخور
غریبه اوخشاماسی وار
یوزه اشک غم توکوب آغلارام
بو محنده سینه می داغلارام
.
.
.
.
.
دییر غمونده آی بابا
باتوبدی ما سوا غمه
هوای غم ننوعی گور
یاییلموش ایندی عالمه
غمونده روز شب گرک
قان آغلاسون بو فاطمه
بوزاره قیل ئوزون نظر
یوزونده غم نماسی وار
یوزه اشک غم توکوب آغلارام
بو محنده سینه می داغلارام
.
.
.
.
.
شرار غم توانیمی
آلوبدی الدن آی بابا
غم و مصیبتون منی
سالوبدی دیلدن آی بابا
مزارون ایچره یاتموسان
آرالی مندن آی بابا
قیزون دیلینده اوج ایدن
سمایه غم نواسی وار
یوزه اشک غم توکوب آغلارام
بو محنده سینه می داغلارام
.
.
.
.
.
خزان دگوبدی ظلمیلن
سولوبدی احمدی چمن
جهانین آتموسان داشین
عزایه باتدی انجمن
من آغلارام حزین حزین
گوزونده یاش حسین حسن
یانیمدا زینبینیمون
ننوعی گور بکاسی وار
یوزه اشک غم توکوب آغلارام
بو محنده سینه می داغلارام
.
.
.
.
یازاندا (جائد) عرض حال
گوزونده اشک و آلیلن
توسل ایلیوب سنه
اورکده چوخ ملالیلن
یازار نظامیلن سوزون
غمین حزین مقالیلن
کرامت ایله قیل نظر
هوای کربلاسی وار
یوزه اشک غم توکوب آغلارام
بو محنده سینه می داغلارام
.
.
#سبک_دل_شب_ایلیوب_سفر ( برای اجرا بدون واگیر ، در 4 سبک)
.
.
#سبک_الهی_غملی_کوفه_نون
.
.
#پیامبراسلام_شهادت
#باشیندا_قاره_فاطمه
#جائد_زنجانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید