استمداد حضرت ابوالفضل العباس
علیه السلام
.
#سبک_ای_ویرن_ویرانه_یرده
#سبک_گلپونه_ها
#سبک_استخاره_کردم
.
.
.
حاج اصغر فرشچی ( عدلی تبریزی)
.
.
باش سنوب قوللار دوشوبدی
طاق اولوبدی منده طاقت
دشمنیم قولسوز گوروبدی
ایلوری بی حد جسارت
.
راضیم آخسون بو قانیم سیل تک بو سر زمینه
سسله سین جنّتده زهرا مرحبا اُم البنینه
گل حسینیم گل حسینیم
.
.
.
بیشۀ دنیای عشقه
شرزه شیر مرتضایم
ایچمدیم آب فراتی
تشنۀ آب بقایم
اوخ ویروبلار گرجبینه
ویرسالار قلبه رضایم
مین یول اولسم گردیریلسم
ایلرم سندن حمایت
.
کاش بو قولسوز پیکریمده چشمه چشمه قانیم اولسون
ویرماقا جانان یولوندا مین باشیم مین جانیم اولسون
گل حسینیم گل حسینیم
.
.
.
کربلایه یول سالاندان
پا سبان کاروانم
نه وزیرم نه علمدار
خاکسار آستانم
مکتب عشقونده تحصیل
ایلیین بیر جانفشانم
مست صهبای الستم
سرخوش جام ولایت
.
من دوشنده قولسوز آتدان شاد اولوبدی اهل کوفه
سسلورم سن آفتابی گل دوشوب ماهون خسوفه
گل حسینیم گل حسینیم
.
.
.
من حسین سرباز دینم
باتموشام بو چولده قانه
تنگ اولوبدورمرغ روحه
بو زماندا آشیانه
آز قالور فصل بهاریم
ظلمیله چاتسون خزانه
یاره اوستن یاره ویردی
هر گلن که ایتدی فرصت
.
من ظلیمم سن ظلیلیم گل قوتارسون بوردا ظلمت
سایوی کسمه باشیمدان واردی منده گل ضرارت
گل حسینیم گل حسینیم
.
.
.
داش یاراسی پیکریمده
هر یارادان چوخدی قارش
اینجیدن عبّاسیوی گل
صاق گوزومده اوخدی قارداش
بیر نفر امداده یتسون
بو زماندا یوخدی قارداش
.
بو یامان وقتیمده قارداش دادیمه کیمسه یتن یوخ
اوخ دگوب بو صاق گوزومدن بو اوخی گوزدن چکن یوخ
گل حسینیم گل حسینیم
.
.
.
پیردرباروندی (عدلی)
قلبیده مینلر سوزی وار
باشدا سودای زیارت
روز و شب آغلار گوزی وار
دعوت ایله کربلایه
لطفوه قارداش گوزی وار
آغلادار اوز نوحه سیله
ذاکریوندی با صداقت
.
فیض جودوندادی هرگزاولماسا بیرخط یازانماز
گراله سالسا براتون لحظه ای هرگز دایانماز
.
.
#عباسیه_شهادت
#باش_سنوب_قوللار_دوشوبدی
#عدلی_تبریزی
#ترکی
#زبدةالاشعار
نظر دهید