هویت دشمنان شیعه
اخلاص #مدافعان_حرم
#گریز به #قتلگاه
.
✍️ #زبدةالاشعار ✍️
.
🆔: @nohe_torki
.
حاج نادر بابایی
.
بزم یاسینده حسینون تا قرا پرچم اسر
ریشه ی کفری یقینا بوحسینیم وای کسر
.
.
.
مصحف تاریخ اسلامه مرور ائتسه اگر
شبهه سیز بو مطلبه واقف اولار اهل خبر
دشمن آل علی هر یاندا اولسا جلوه گر
بی هویتدور نسبدن ، ریشه دن مجهولیدور
چون حرامی بسترین شیطان اکن محصولیدور
.
.
.
ائتمه شک آل سعود آل ابوسفیانیدور
یادگار فرقه ی نسناس و بی وجدانیدور
تک به تک وهابیلر مستخدم شیطانیدور
شیعیه کافر دیوللر تا عیان ئولدورمگه
آختارولار هر یری صاحب زمان ئولدورمگه
.
.
.
قبله گاه اقدسه توهین ائدن وهابیلر
داعش و تکفیره دایه ، بیخرد اعرابیلر
شیعه نی کافر بیلن آلوده شیخ وشابیلر
میثم ومقداده بیلمولرشهادت فرضیدور
شیعه نون باش وئرمگی جناته طی الارضیدور
.
.
.
ایستیولر اعتقاداتی بولار یاخسون یره
وار یری تاشیعه نون قانی بوگون آخسون یره
قطره قان لاله بجرسین لاله لر باخسون یره
سسله سین لبیک اباالفضلیم گنه آچ منظره
ای نگهبان حرم آل سعودی چال یره
.
.
.
گلسِتان عشقه بیزلر لاله لر دولدورمیشوق
گونده بیر یرده حسینه بزم ماتم قورمیشوق
گلمه میش صاحب زمان بیز انتقامه دورمیشوق
جان نثاران مدافع دوشدولر تاب و تبه
اقتدا ایلوبدولر شامه گئدنلر زینبه
.
.
.
چون گزور شریان غیرتده بلی پاکیزه قان
ارتش عاشوریده سرباز اولوبسان ای جوان
ساخلا احساساتووی دشمن گلنده وئرنشان
قان سورانلار جهلیده ، جهل مرکب آختارار
قان وئرنلرده مسلم خط زینب آختارار
.
.
.
حیدرون حیدرنشان اوغلی، آقا سن قیل کمک
گل دایان محرابیده آچ قبله ده تحت الحنک
سن دانیش کرب وبلادن بیز حسینیموای دیک
سینه لرده دوستاق اولدی هجریدن سوزلر بوگون
گل آقا یابن الحسن جدون سنی گوزلر بوگون
.
.
.
ایستورم مقتل یازام یابن الحسن عفو ائت منی
بیزلره پوشیده دور هر چند اخبار غنی
واضحدور سنه کیملر پوزوبدور گلشنی
سن مدد ائتسون گلر بو طوطی طبعیم سوزه
قتلگاهین نسگیلی شاید گنه چیخسون یوزه
.
.
.
یاره لی باش گئتدی اما پیکریندن قان آخور
بو آخان قانی آغارمیش زلفینه زینب یاخور
جلوه ی عشاقه بیربیر اهل معنادن باخور
گوردولر زینب یوزون قویدی سینان آئینیه
بوسه وردی گه بوغازه گه یارالی سینیه
.
.
.
باخدی اول جلدی پارا شیرازه سیز قرآنینه
گوردی گوزگوز یاره لرزینت وئروب قربانینه
حضرت زهرا تیکن کوینک بویانمیش قانینه
چکدی بیریاهو ئورکدن آغلادوبدور داغ داشی
اللرین بستر ائدوب آغوشه چکدی قارداشی
.
.
.
بوته ی غمده دئدی بو داغلاری داغلا حسین
زینبون خوش گونلریندن دفتری باغلا حسین
من سنه نوحه دیوم ، سنده منه آغلا حسین
قسمتیم اولدی سفرده سنله هریانی گزوم
من نجه ایندی حسین سیز بو بیابانی گزوم
.
.
.
شمس رخشانه گلایه ایلرم الساعه من
وار یری ایندی دیم ای گون بله شاخدون ندن
شدت نورون آز ایله ،یاندی بو یورقون بدن
سنده آغلورسان گمانیم اود توکورسن مقتله
سال حجابه نورووی قوی بیر حسینیم دینجله
.
.
.
(نادرا)طوطی طبعون گورسنی چکدی هارا
مقتله اندون نه گوردون باش یارا پیکر یارا
یاره لی ابراز عشق ایلوردی اوردا یار یارا
خلوت عشاقیده تسبیح ذکری آل اله
تاسنون اشعارووه دم صاحبیندن دم گله
.
.
#حماسی #وطن
#قره_پرچم
#نادربابایی
#بزم_یاسینده_حسینون_تا_قرا_پرچم_اسر
#ترکی
.
✍️ #زبدةالاشعار ✍️
.
🆔: @nohe_torki
نظر دهید