زبدةالاشعار

بسدی بو ظلم و ستم لشکر اعدادن اوغول #اصغریه_اشکی_تبریزی #نجمی_تبریزی

زبانحال مادر غمدیده حضرت علی اصغر (ع)

.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک
مشابه

.
اشکی تبریزی و مرحوم نجمی تبریزی
.
بسدی بو ظلم و ستم لشکر اعدادن اوغول
بیر ایچیم وئرمه دیلر سو سنه دریادن اوغول
.
.
سن منیم بو قوری جسمیمده اولان روحیمیدون
طاقت و صبر و قرار دل مجروحیمیدون
زورق صبر و تحملده اولان نوحیمیدون
ساحل بحره چکردون هامی دریادن اوغول
.
.
آنان عالمده على بیر سنیله دلخوشیدی
ندی بولمزدی غم و غصّه و محنت خوشیدی
کاسۀ دل غم و اندوه بلادن بوشیدی
جام دل ایمدی داشور محنت عظمادن اوغول
.
.
ای گوزوم نوری هدف قلبیم اولوب غم داشینا
آچ گوزون باخ آناوون قانه دونن گوز یاشینا
دولانور بوش بشیگون خردا اوشاقلار باشینا
اوجالور ناله سسی عترت طاهادن اوغول
.
.
دیمه دیم ئولسون آنان صبر ایله تشویش ایلدون
پیشواز ائتماقا پیکانی قدم پیش ایلدون
حشر اولونجا من بیچاره نی دلریش ایلدون
سالدون آخر آناوی تاب و توانادن اوغول
.
.
آغلادون اوچ گجه گوندوز او قدر باتدی سسون
طایر روحون اوچوب قالدی بو قوشسوز قنسون
واریدی سینۀ زهرایه سنون چوخ هوسون
بو هوس چکدی سنی جنته دنیادن اوغول
.
.
ابر نیسان کیمی باران غمه دولدون على
غنچه وقتینده سوسوزدان سارالوب سولدون علی
اوخ سنی خوش بویادی قانووه گل اولدون على
سنی خوشرنگ ایلدی هر گل زیبادن اوغول
.
.
قوریوب گوز یاشیم از بس که عطش حِدَّتی وار
حلقوین قانین آنان یوخسا سرشگیله یووار
نه دیدی اوخ سنه وئردی بو قدر صبر و قرار
آغلاماقدان سنی سالدی منی یارادن اوغول
.
.
غم هجرانوی بولمه آنان آسان ساناچاق
نجه لیلا دوتاجاق اکبره ماتم یاناجاق
بو بلاکش ایله هجرونده یانوب اودلاناجاق
آناوون محنتی اسگیک دگی لیلادن اوغول
.
.
باغلادیم بل غم هجرونده جگر داغلاماقا
لیک مانعدی حیا من اوجادان آغلاماقا
گل جمالوندان ئوپوب اوخ یاراسین باغلاماقا
خجلتیم واردی بی بون دختر زهرادن اوغول
.
.
باعث اولدی بو سوزی یازماقا بیر زار و حزین
آدی « یعقوب » ئوزی بیر نوکر شاهنشه دین
«اشگی» و «نجمی» یازوب اولدولا بو سوزده غمین
بسدی بو ظلم و ستم لشکر اعدادن اوغول
.
.

متن پیشنهادی:  آغلاما منده قالمادی طاقت و تاب عم اوغلی جان #فاطمیه_حافظی_تبریزی

.
.
.
#اصغریه_اشکی_تبریزی #نجمی_تبریزی
#اصغریه_شهادت
#بسدی_بو_ظلم_و_ستم_لشکر_اعدادن_اوغول
#ترکی

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی