پندیات
خود شناسی – خدا شناسی
#گریز :: التجاء به حضرت اباعبدالله الحسین علیه السلام
.
✍️ زبدة الاشعار ✍️
.
🆔: @nohe_torki
.
مرحوم #منعم_اردبیلی
.
بشر اوّل هواده ذرّه بی اختیار اولدی
گتیردی قطره باران تراب تیره تار اولدی
.
قاریشدی توپراقا یردن گوگردی شاخه لر گزدی
گول اولدی گول سارالدی دوندی امرود و انار اولدی
.
دریلدی میل اولوندی قرمزی قان دوندی آغ رنگه
منی شکلنده اعضای پدرده رهگذار اولدی
.
بو سر گردان مسافر گزدی دورت عالمده تا گلدی
آنا بطننده بشمنجی جهاندا خانه دار اولدی
.
قوشولدی بیر به بیر نازک سوموکلر روده لر تنظیم
اوتوزبش کارخانه مغزیده خدمتگذار اولدی
.
اوتوز بش کارخانیچون یر ایستر الّی کیلومتر
فقط بر کاسه بویدا آغ سوموکده برقرار اولدی
.
اوتوز بش کارخانیچون نقدری کارمند ایستر
سراسر کامپیوتری اوتوماتیک خود بکار اولدی
.
قویولدی پایتخت مغزیده بیر مجلس شورا
او مُعظَم پایتخته هوش انسان شهردار اولدی
.
قوشولدی قلب زیبا خون رسان بَر کل تاسیسات
بو اعظم کارخانه خلقته بیر شاهکار اولدی
.
ورور هر گون فشار قلبی یوزمین یدّی یوز ضربه
بدون برق باطری اتو ماتیک بی قرار اولدی
.
او یوزمین ضربه نی ضرب ایلَدیم یتمیش بش ایل عمره
رقم لر کچدی دوقّوز سفری حدّن بی شمار اولدی
.
او نازک رگلری که قان ویرور آچسون دوگون ورسون
کُرۀ ماهیدن دنیایه جک یولدور عیار اولدی
.
همان رگلر چاتار بیر دور دنیانی دولاندیرسون
فیزیک دانان عالی قدریلردن انتشار اولدی
.
ریه یا شش بقولی آغ جگر دور وزنی بیر کیلو
همان پالایش مُلک بدندور کاردار اولدی
.
گیجه گوندوزده اون مین لیتر قانی تصفیه ایلور
دایانسا بیر دقیقه جان گوررسن برکنار اولدی
.
آچیلور باغلانور هر گون ایگرمی آلتی مین دفعه
حدوداً یتمیش ایلده یدّی یوزمیلیون کرار اولدی
.
جگرده حفره لر وار در حدود یدّی یوز ملیون
آسیدی دوندرور اکسیژنه چوخ بردبار اولدی
.
کبابی دوغریور دیشلر ولیکن دیل قالور سالیم
گورور سن خود سرانه دیش گلنده دیل کنار اولدی
.
اونی بیر ساخلیان وار غافل اولسا آن واحدده
گوررسن دیل بُولوندی قرمزی قان آبشار اولدی
.
قولاقدا نصب اولوندی ضبط صوت و میکروفن توأم
علاوه تلگرافی پرده لر آماده کار اولدی
.
دگنده بوق ماشین فوری مغزه ایلیور تلفن
جوابنده گورورسن فوری دستور فرار اولدی
.
قویولودی گوزلرینده دستگاه فیلم برداری
رادار هم جام جم در اندرون آینه دار اولدی
.
نقدری شهرلر یرلر گوروب عکسین سالور فیلمه
نه موقع ایسته سون شهری گورورسن آشکار اولدی
.
بو فیلمی یتمیش ایل جمع ایلیور برنقطه مغزه
تصّور ایلدیم فکریم دونوب دیوانه وار اولدی
.
بو قدری فیلمیکه مغز بشرده بایگانی دور
یوک اولسا راه آهنده گوررسن بش قطار اولدی
.
دیسون یوز الّی تن فیلمه نجه بر نقطه یرویردی
دلیلیم واردی زیبا حرف منطق ابتکار اولدی
.
گوزون بیننده سی بیر مرجی بویدا عضو اعضا دور
بویوک داغلار گورورسن کچدی اوردا جایدار اولدی
.
اولوندی لوله کشلیک کلّ تأسیساته ویرسون سو
تلمبه قلبیدن رگلرده تولید فشار اولدی
.
گیدور قانیله سو هر بر تو که آب و غذا ویرسون
سوسوز قالسا گوگرمز بس هایاندان آبیار اولدی
.
دیبینده هر توکون بیر لوله وار آیا اینانمورسان
باتِر بیر اینه هر عضوه گوررسن قان کنار اولدی
.
بدن باغاتیدور باغاتیچون بیر باغبان ایستر
بو باغ با صفایه باغبان پروردگار اولدی
.
غرض نقّاش قدرت فارغ اولدی نقش زیبادن
گلوب روح مجرّد توسن چشمه سوار اولدی
.
قویولدی آتمیش آلتی قوّه تک تک نفس امّاره
سراسر شیطنیت حیله گر بی بند و بار اولدی
.
او آتمیش آلتی نیرویه ویریلدی دورت نفر سرهنگ
آیِشمن تک تماماً دیکتاتور فرمانگذار اولدی ( 1 )
.
او دورت سرهنگ شهوتدور غضب دور حیله دور کینه
مبارز دورت خبیثه عقل کامل شهریار اولدی
.
بولار سرکوب ایده عقلی بشر حیوانیدن کم دور
و یا عقل ئولدوره انسان ملکدن با وقار اولدی
.
قوتاردی فیزیک متافیزیکدن گلدی بیر کنتور
یازا اعمال انسانی بدنده استوار اولدی
.
او کنتور مغزون آلتیندا همان توک قورتاران یرده
بساط عکسبرداریله بیر نازک نوار اولدی
.
نجه تلویزیون گوینده نون عکسین سالور جوّه
گورورسن صوت و تصویری جهاندار انتشار اولدی
.
بشر گهواره دن قبره گیدونجه هر بیرایش گورسه
همان کنتوریده اعمال انسان یادگار اولدی
.
بو فیلمی گورسدلّر شخصه سگُّز منجی عالمده
گوررسن چکدیگون لذت دولاندی زهر مار اولدی
.
اتُم خاک و نبات و صُلب و بطن عالم دنیا
کچرسن قبری برزخدور او فیلمون آشکار اولدی
.
بو فیلمی بیر دولاندیر فوری مغزون سینماسینده
توّجه ایله گور پاکیزه دور یا لکه دار اولدی
.
زنایه شُربه هشتاد تازیانه حّد شرعی دور
لواطون جرمی ئولمکدور ازل گوندن قرار اولدی
.
زنادن شُربیدن غیبت چتیندور داد غیبتدن
یالان بیر کلمه اولسا دشمن پروردگار اولدی
.
بو قرخ ایلّیک نواری گل پوزاق الان بو مجلسده
ندامت آغلاماق سندن پوزان پروردگار اولدی
.
علاجی توبه دور قرآن دیور اشک ندامتدور
پوزار یوز مین گناه اولسا او گوز که اشکبار اولدی
.
بیریندن بیر خطا چخسا دوتار بیر آبرومندی
آپارار واسطه تا بلکه اوندان شرمسار اولدی
.
آپاراق واسطه درگاهنه بیر محترم شخصی
نه باش وار نه بیلک وار یاره حدّن بی شمار اولدی
.
گلون اوّل بو نعشی دوندرک بر قبلیه ساری
چکک بیر آغ قدیفه یاندی جسمی داغدار اولدی
.
.
#گریز
.
ای جنگلاتی دشت بلادن گورن حسین
ای سسلینلرون سسینه سس وئرن حسین
.
ای سعدون اوغلونی چخادان حبسخانه دن
ای انقلاب ائدن روش ظالمانه دن
.
ای سو وئرن یزیده تَرَحّمله یا حسین
ای رحمووه ئوزوم آتام اولسون فدا حسین
.
ای قانلو سین باغشلیان عفو و عطائیلن
ای حرّی قوومیان بیر او قدری خطائیلن
.
ای آنکه خاک را به نظر کیمیا کنی
آیا شود که گوشۀ چشمی به ما کنی؟
ــــــــــــــــــــــــــــــــــــــ
( 1 ) آدولف اتو آیشمان
Adolf Otto Eichmann
مسئول «اداره امور مربوط به یهودیان» در «اداره اصلی امنیت رایش» بود. وی که از افسران بلندپایه حزب نازی بود، در جریان جنگ جهانی دوم، دستور فرستادن بسیاری از یهودیان را به «کوره های آدم سوزی» صادر کرده بود.
.
#پندیات
#بشر_اول_هواده_ذره_بی_اختیار_اولدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید