پندیات – #گریز به حضرت زهرا سلام الله علیها
.
.
✍️ زبدة الاشعار ✍️
.
🆔: @nohe_torki
.
نادر صمدی اردبیلی
.
بعضی بیر منصب بی ارزشه ایمانی ساتار
حقی پامال ائلیر قدرته وجدانی ساتار
.
سعی ائدر دهريده بير منصب والا قازانا
هدفه چاتماقا یوز مین دفعه قرانی ساتار
.
تشنۀ قدرت اولانّان گوزلیم فاصله دوت
زرو زوریله گوررسن هامی اعوانی ساتار
.
ایکی عامل زرو تزویر یخوب دینون ائوين
ايكي عامل وئره گر ال اله دنیانی ساتار
.
دی گوروم قدرتین آیا نقدر لذتی وار
که اولان صاحب قدرت ره تقوانی ساتار
.
کیم دئيور كسدي حسينون باشيني نصراني
هاردا نصراني اولان دير و كليساني ساتار
.
هر بلا آل علي چکدی مسلمان ائلدي
درج تاريخ بودور هر كسه اذعاني ساتار
.
ياز قلم گرچه ئوزومده بيلورم چوبه ی دار
پیکر حق طلبه درد دو چندانی ساتار
.
چوخی اسلامون آدیلان یخوب اسلامون ائوين
لعنت او مسلمه کی دين تعالاني ساتار
.
ايتده وار حجب وحيا ديني ساتان مُسلِمده؟
يوخدي بو فطرت ارزنده کماکانی ساتار
.
ایت ائدر حفظ امانت سوري دوشمز خطره
هچ دگول صاحب شهرت سر سودانی ساتار
.
او وفاپیشیه احسن بیر یوزون صاحبیدی
عهدیده صادق اولار وحشت صحرانی ساتار
.
ائلمز گرگیله همدستی همان کلب نجس
نه قوزی قوردا وئرر نه ده كی چوپانی ساتار
.
کلبیله شخص دغل کارون ایا فرقینه باخ
بیری خسرانی ساتار اول بیری جانانی ساتار
.
ایته بیر تکّه ی نان آتسون ایاقوندن ئوپر
دوروه هی دولانار عشقینی پنهانی ساتار
.
ولی انسان تانورام یوخ ایتیجق معرفتی
ئوزگیه مین تومنه دوستونی بیر آنی ساتار
.
ای آدین شیعه قویان شیعه لیقون قدرینی بیل
اهل ایمان مگر رسم مسلمانی ساتار
.
شیعه ی شیر خدا حیدر پاکیزه سرشت
ساخلیار بیرق دین وعده عدوانی ساتار
.
جمله انصاره بویوردی بوسوزی ختم رسل
آلار ایمانی علی حب بو دنیانی ساتار
.
بو علی کی دئيورم رهبر والادي سيزه
حقي راضي ائلير وعده ي دوناني ساتار
.
بو علي قدرته خاطر بيلورم جنگ ائلمز
دئميون شيرخدا عهديله پیمانی ساتار
.
بیر زره حیدره وئرديم او زره فاطمه دی
حبذالله بو زره حيدره رجعانی ساتار
.
نیلیور جامه ی رزمی او کی زهرانی واری
او جهتدن زرهين عشقه اولان باني ساتار
.
او یامان گونده حمایت ائلیر حیدردن
يارينه يار وفا قلب شكيباني ساتار
.
اي قلم ياز نه بلا گلدی علینون باشینا
ثانیه قدرت الی دوزخ ونیرانی ساتار
.
در ودیوار آراسیندا او قویوب فاطمه نی
بئله فكر ائتدي خانم حضرت مولاني ساتار
.
فاطمه حفظ ولايت ائليوب سنگرده
گوردولر نار شرر باب حقه ثانی ساتار
.
پشت درده دایانوب فاطمه فخرالنجبا
پیکره دخت نبی آتش سوزانی ساتار
.
سوزی بی پرده یازوم سوز آلان آلسون بوسوزی
صحنه نقاشی اولا عارفه جریانی ساتار
.
بین دیوارو درو فاطمه کم فاصله وار
ایکی بی جان آرا جان دوجهان جانی ساتار
.
قاپی سنگ اجل و شیشه بتولون عمری
آچیوب ضرب لگدلن قاپی ایذانی ساتار
.
سینه ی فاطمه میخ دردیلن رودررو
اوتلی مسماره خانم سینه ی سینانی ساتار
.
فاطمه سینه سینی ایلدی مسماره هدف
سینیه میخ جفا گور نجه طغیانی ساتار
.
سینه ی فاطمه نی مسکن ائدوب تامسمار
سينه قانه بلشوب باب حقه قانی ساتار
.
دگدی اول او قاپی پیکر صاحب شرفه
صدمه آیینه ی عشقه چاتا خسرانی ساتار
.
قاپی زهرایه دگوب فاطمه ده دیواره
اوچوده اوتدا یانور فاطمه افغانی ساتار
.
الی الدن اوزولوب فاطمه ی عذرانون
کیمی امداده چاغیرسون غم طولانی ساتار
.
سسلدی فضه نی امداده دئدی گل ئولورم
گوزومون یاشی سنه صحت جریانی ساتار
.
فضه امدادیمه گل دگدی الو یوز گوزمه
منی رد ایله بو اوتدان منه حرمانی ساتار
.
میخ در سینمی سوکدی یوزومه دوشدی خراش
درد پهلو منه چوخ درد فراوانی ساتار
.
سینمون قانی یاخیلدی قاپیا سیل بو قانی
گر علی گورسه بو قانی یوزوه بارانی ساتار
.
بوردا احساس ائلديم ئولدی بالام بطنيمده
پرپر اولدی گل نشگفته گلستانی ساتار
.
منی ترک ایلدی محسن یانورام ئولمگینه
باغبان هاردا مگر غنچه ی خندانی ساتار
.
قتله باخ مقتله باخ قاتل ومقتولیه باخ
دل مقتولیه قاتل غم دورانی ساتار
.
ثانی قاتلدی منم فاطمه ی مقتوله
صرصر باد خزان سرو دل آرانی ساتار
.
جبرئيل گچمدی بی اذن نبی آستانادان
دشمنیم ایندی ولی درگه والانی ساتار
.
هم منه مقتل اولوب آستانا هم محسنیمه
بوهمان آستانادی حیدره دعوانی ساتار
.
(صمدی ) يازدی بو شعری سنه یا دخت نبی
شاعرون بیر سنه عشق عالمی انشانی ساتار
.
.
#پندیات
#فاطمیه_شهادت
#بعضی_بیر_منصب_بی_ارزشه_ایمانی_ساتار
#نادر_صمدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید