زبانحال و مرثیه امام حسن (ع) در واپسین لحظات ، برای امام حسین (ع)
.
✍️ زبدة الاشعار ✍️
.
🆔: @nohe_torki
.
مرحوم غلامرضا اسماعیل پوران (هادی تبریزی)
.
.
بلائیله تاپان خلقت بلایه مبتلا قارداش
بئلون باغلا یاخونلاشدی قیام کربلا قارداش
.
.
سن اهل عالمه ایللر غم عالم یارالدانسان
غم عشقیله دنیایه بیوک ماتم یارالدانسان
بشردن گوهر غمله شریف آدم یارالدانسان
قارا یولدا ایتن خلقه حقیقی رهنما قارداش
.
.
دوران داغلار کیمی محکم یخان سئللر قباقینده
گورنمز تیترماق اصلاً داغا بنزر ایاقینده
وئرن جان سود امر اوغلی اوخ آلتیندا قوجاقینده
اوخا یوخ سویلمز قارداش سنه جانیم فدا قارداش
.
.
سنون تک سو کنارینده سوسوزلوق کیمسه نی بوغماز
سنون تک دُرّ غلطانی آغیر داش اوغمیوب اوغماز
سنون تک مادر خلقت بیر انسان دوغمیوب دوغماز
دوغولموش نسل انسانه مراد و پیشوا قارداش
.
.
دمون دم بخش اعجاز دمِ عیسی ابن مریمدور
گوزوندن پارلانان برق و فروغ اسم اعظمدور
حیاتونلا اولان تضمین حیات نسل آدمدور
وئرن باغ تولّایه ، قانی آب بقا قارداش
.
.
ئولن اوغلی، دوشن قولسوز فرات اوستونده قارداشی
دؤنن ناحق قانا بنزر ستمله گوزده گوز یاشی
چخان معراج تاریخه اوجالمیش نیزه ده باشی
باشین آغوشینه چکموش گیجه مطبخ سرا قارداش
.
.
ظهور جلوۀ حقدن جمال اللهه پیوسته
یورولماز روحیله دوشموش قوری توپراقه دلخسته
سپن اوخ قرمزی گوللر یارالی سینه سی اوسته
یارا اوستن یارا دگمیش داغیلموش توپراقا قارداش
.
.
نماز عشقده قاندان قانیلا دستماز آلموش
یر اوسته آنّینین قانی یره سجّاده سین سالموش
نمازه بی نیاز اولموش نمازین قیدینه قالموش
نیاز عشقیله دولموش نمازه مقتدا قارداش
.
.
قانی گون چخمادا گونده گونه بیر قانلی پیرایه
گلن نخل جمالیندن تجلّالر تجلّایه
تجلّاسی سالان سایه سریر طور سینایه
کلیمه طور سیناده بت نور خدا قارداش
.
.
کسیلموش باشیله باشدان باشین باش فکرینی آتموش
پرِ قو تک قوم اوستونده یارالی باشیله یاتموش
قانا بتمیش باشی خولی ائوینده کوللره باتموش
تنور ایچره قارا کوللر سنه مهمانسرا قارداش
.
.
گلن دریا کیمی موجه آخان داغ داشلارا قانی
نجات نسل انسانه سوسوز لب تشنه قربانی
ئولوب اولماقی ئولماقدان دیریلدن روح قرآنی
سنه تحسین ائدن روح تمام انبیا قارداش
.
.
صفای چشمۀ زمزم عظیم و اعظم و اکرم
جکیم و حاکم ومحکم اولان ای هادی آدم
فروغ دیدۀ آدم ، قبول قبلۀ عالم
منا و مروه و زمزم گل سعی و صفا قارداش
.
.
.
#حسنیه_شهادت
#بلائیله_تاپان_خلقت_بلایه_مبتلا_قارداش
#حسنیه_هادی_تبریزی
#ترکی
.
✍️ #زبدةالاشعار✍️
.
🆔: @nohe_torki
نظر دهید