زبدةالاشعار

بلبل نجه دل آچماقا صحن چمن ایستر #قاسمیه_علومی_تبریزی

وداع و شهادت حضرت قاسم (ع)
.
✍️ #زبدةالاشعار ✍️
.
🆔: @nohe_torki
.
علومی تبریزی
.
بلبل نجه دل آچماقا صحن چمن ایستر
غم محفلی ده رسمدی ذکر محن ایستر
.
معناده گلوب مجلسه پیغمبر اکرم
فیض آلماقا بیر مادح شیرین سخن ایستر
.
گلسونله جوانلار قاباقا سینه ده اللر
چون تازه جوان ماتمدی سینه زن ایستر
.
داماد حسین ابن علیدی آدی قاسم
بو مجلس شایسته امام حسن ایستر
.
آیرلمادی اکبردن ئولونجه بو وفادار
بیر گوزده ایکی یاری شه ممتحن ایستر
.
مظلوم آتاسندان صورا قالدی عموسیله
حالاتنی ذکر ائتماقا بیر انجمن ایستر
.
حق اوسته ئولوم سویلدی شیریندن عسلدن
حق ایستین عالمده بلا و فتن ایستر
.
یالقوز عموسین گوردی او صحرای بلاده
بیلدی او بلا عرصه سی جاندان گئچن ایستر
.
اذن آلماقا گلدی عموسی اولمادی راضی
مأیوس گلوب مشگلی بیر حل ایدن ایستر
.
ناگاه سالوبدی آتا مکتوبنی یاده
بیلدی که اونی اکبر گلگون کفن ایستر
.
.
مکتوبی حسین گوردی غمی عرشه اوجالدی
بیر نوع گیندیردی جهاده یولا سالدى
.
.
///جهاد حضرت قاسم///

متن پیشنهادی:  گِئجه آشفته گئجه زار گئِجه فانی گِئجه #فاطمیه_امانی_اردبیلی

داماد حسین ایلدی شوقیله اراده
یوز قویدی گیده سرعتیله جنگ و جهاده
.
امر اولدی نقاب آتدا یوزین ایلدی پنهان
منظوری یتیشماقیدی البته مراده
.
ناگه ایلیوب شرق خیم دن متجلّی
میدانه یتوب دوتدی یوزین اهل عناده
.
چوخ سوز دیدی اما بیرینه ائتمدى تأثیر
سوز ایله مز عالمده اثر قلب جماده
.
آلدى اله شمشیرین اوزون لشگره ویردی
قاچدی قاباقندان چه سواره چه پیاده
.
ازرق اوزی دورت اوغلی ئولوب قاسم الینده
سالدی او قوشون معرکۀ حیدری یاده
.
اما بوئیدی قصدی تاپا فیض شهادت
تئز اکبره ملحق اولا شهزاده بقاده
.
اوخ یاره سی داش یاره سی چوخ جسمنه دگدی
یارای جدل قالمادی اول ماه لقاده
.
آخر یخلوب توپراقا بیر یاره باشندا
آخر نفسینده چاغوروب اول شهی داده
.
عرض ایتدی عمو گل یتش امدایمه تیز گل
هجران یتشوب سال منی بو حالده یاده
.
.
دیداره اوغولسوز عمو گل چوخ هوسیم وار
گل بیرده گوروم گل یوزیوی تا نفسیم وار
.
.
///استمداد شهزاده قاسم///
.
آلدی سسینی خیمه ده سلطان دل افکار
میدانه یتوردی اوزون افسرده و خونبار
.
قارداش بالاسین تاپدی گوروب سینه سی اوسته
ایستر کسه باشین داخی بیر ظالم خونخوار
.
شمشیرینی سرعتله چکوب فاطمه اوغلی
ویردی قاباقا بیر قولونی حولیله اشرار
.
بر ضربتیله ویردی قولوندان او لعینون
کسدی یره سالدى قولونی تیغ شرربار
.
یوز دوتدی سپاهه چاغوروب لشگری داده
حق پنجه سینه قهرله اولموشدی گرفتار
.
سسلردی منی ئولدوروری فاطمه اوغلی
سیزلرده باخورسوز گلون ای قوم هوادار
.
لشگر حرکت ایلدی امدادینه یتسون
دفع ائتماقا اشراری دوروب سیّد ابرار
.
قاسم بدنی یرده هجوم ایلدی لشگر
پیغمبر اولوب عالم معناده عزادار
.
باشلاندی همان یرده ستیز اولدی قیامت
بو مطلبی قاصردی دیسون ناظم اخبار
.
آتلار ایاقی آتدا قالوب قاسم ناکام
گل پیکری پرپر داغلوب توپراقا ناچار
.
ناگه بو صدانی ایشیدوب شاه شهیدان
ال ساخلا عمو اولدی یارالی بدنیم خوار
.
.
باخ گور نجه ظلمیله پوزولدی چمنیم گل
آتلار ایاقی آتدا داغیلدی بدنیم گل
.
.
///شهادت حضرت قاسم///
.
اشراری داغتدی سبب عالم ایجاد
قاسم باشی اوسته اوتوروب باشلادی فریاد
.
فرمایش ایدوب چوخ چتین اولدی بو حسینه
گلدی سنه بو مهلکه ده ایله سین امداد
.
بی وفایده اولدی بو کومكلق بالا قاسم
یاندی اورگیم بو غمیله دشمن اولوب شاد
.
گل جسموی بو چولده خزان ائتدی پریشان
ای نو گل گلزار حسن ای منه داماد
.
جنّتده اوغول گوزلوری اکبر سنی ایندی
منده گلورم بو یولی بی رحمدی جلاد
.
گوردی یتیشوب قاسمنون امری تمامه
جسمیندن اولوب روح شریفی داخی آزاد
.
آلدى او داغلمش بدنی سینه سی اوسته
قتلایه گتوردی توکلوب خیمه دن افراد
.
.
ایوای بالا وای ناله سی افلاکه اوجالدی
قانلو بدنین اهل حرم دوره سین آلدى
.
.
.
#قاسمیه #علومی_تبریزی
#قاسمیه_شهادت
#بلبل_نجه_دل_آچماقا_صحن_چمن_ایستر
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بو آی نه آیدی نسیم رحمت اسور دمادم منای غمدن #ورود_محرم_مصیبی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی