زبدةالاشعار

بنام خالق سبحان کی شعره زینتی وار #فاطمیه_الماسی_اهری

حالات حضرت زهرا سلام الله علیها از زبان حال چادر نماز آن بانوی کرام
#گریز به #قتلگاه
.
✍️ زبدة الاشعار ✍️
.
🆔: @nohe_torki
.
اصغر #الماسی_اهری
.
بنام خالق سبحان کی شعره زینتی وار
کیم عاشق اولسا حسینه اونا عنایتی وار
.
بو نقلی کی یازیرام اوزگه بیر عبارتدی
غبار غمله بورونموش عجیبه محنتی وار
.
تخیل عالمی،مستغرق غم اولموشدوم
نه غم کی نظمه چکیلسه بویوک قیامتی وار
.
دییَن روایتی بیر وصله دار چادردی
روایتی کی جهاندا آغیر مصیبتی وار
.
اورگ یولیلا باخون آغلیاق سعادتیلن
بو چادرین بیزیلن عاشقانه صحبتی وار
.
دئیور کی منتخب اولدوم عزیزه بیر خانیما
عزیزه بیر خانیمی کی رسالی قامتی وار
.
گورنده صورتینی آی باتاردی شوقیندن
جمالی چوخ گوزلیدی ،فرشته سیرتی وار
.
زکیّه دور لقبی فاطمه دئیوردی نبی
همیشه فاطمییه لطفی وار حمایتی وار
.
قضای چرخ فلک سرنوشته ویردی رقم
اگر چه هر بشرون سرنوشت و قسمتی وار
.
گلوب او گون کی غرض حیدریله زهرانون
اورگده بیربیریلن ازدواجه رغبتی وار
.
خلاصه عقد گونی چوخ جلال و عزتیلن
بیچیلدیم حضرت زهرایه کی سعادتی وار
.
منی یادیمدادی زهرا آپاردی بخت ائوینه
او ائو کی هرنه دعا ایلسن اجابتی وار
.
گئدنده کوچیه زهرا سپردیلر منه گول
نه چونکی فاطمه نون عالمینه زینتی وار
.
اوپردیلر منی چوخ احترامه صاحبیدیم
بیلردیلر خانیمین رحمتی کرامتی وار
.
گلنده منزله زهرا علی آچاردی قولون
سالاردی فاطمه نون بوینونا محبتی وار
.
نماز شبده سیلردی گوزون یاشین منله
دییردی عفو ایله هر بنده وین کی غفلتی وار
.
لحاف ائدردی هله چوخ گجه منی حسنه
اوپردی لبلرینی بیلمه دیم نه علتی وار
.
گوزونده یاش توخییاردی حسینه بیر گوینک
او گوینکی کی اونون شرحینون قیامتی وار
.
بیزیم بو خوش گونوموز تز گلیب قوتاردی ولی
زمانه چرخشینون حیف اولا حماقتی وار
.
نبی کی یومدی گوزون یاغدی غم غم اوستونده
علی ائوین بورودی ماتمی کی غربتی وار
.
زمانه ائتدی عوض گوینکین قرا گیدی
سارالدی فاطمه کی گول کیمین طراوتی وار
.
غرض منیم باشیما توکدی گول همان ملت
او امتی کی فقط کینه و خباثتی وار
.
حسن دئموردی سیزه کوچه ده نلر گچدی
ولیک من دئیورم چوخ اسفلی حالتی وار
.
دَیَنده سیلی دوشوب تپراقا سوروندوم من
او تنگ کوچه ده کی ثانینون جنایتی وار
.
أیاقینه ایلیشیردیم دوراندا زهرانون
گئده گئده ییخیلیردی ،کی چوخ مشقتی وار
.
عداوت اوسته گلیب ویردی ثانی اود قاپیا
او درگهی کی تمام جهانه عزتی وار
.
یانان زماندا قاپی ویردیلار لگد قاپیا
قاپی دالیندا قالان حامیلیدی حسرتی وار
.
آچیلدی تا کی قاپی گچدی میخ در مندن
او میخ در کی یانیب ایستیسی حراراتی وار
.
همانکی چادریدیم قانه باتدیم آخرده
اگر چه فاطمه نون فنینون شفاعتی وار
.
یارالی گتدی خانم یومدی ناگران گوزونی
او گوزلری کی فقط آغلادی نه طاقتی وار
.
قضا ألیله غرض زینبه یئتیشدیم من
نه زینبی کی اونون غملرینده حدتی وار
.
دولاندی گون گچیب ایللر یئتیشدی عاشورا
حسین یخیلدی چوخور مقتله کی محنتی وار
.
گئدنده مقتله زینب أننده تل اوستون
ییخیلدیم اوندا گئنه تپراغا کی حکمتی وار
.
حسینی تاپدی خانم آرخا اوسته دوندردی
دئدی حسین بدنون قانلیدی جراحتی وار
.
همانکی چادریدیم بیرده قانه باتدیم من
آنا قیزیلا عجب غصه ده شباهتی وار
.
عنایت ایله خانم نوکروندی #الماسی
روای حاجت اولا آرزو و نیتی وار
.
.
#فاطمیه_شهادت
#بنام_خالق_سبحان_کی_شعره_زینتی_وار
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بو گون باقر جان ویروب گیتدی دار دنیادن آغلارام زهرا #باقریه_عینی_فرد

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی