اربعین
.
✍️ زبدة الاشعار ✍️
.
🆔: @nohe_torki
.
#سبک_ساخلا_ناقه_می_کاروانیدن ( 8 سبک برای سینه زنی و زنجیر)
مشابه
.
مرحوم حاج عبداله رضایی (غمکش)
.
بند ظلمیدن قورتولوب حسین
بو بلالی صحرایه گلمیشم
قبروی زیارت ائدم سنون
ای شه گرانمایه گلمیشم
.
.
شام و کوفیه من گئدن زمان
قالدی پیکرون یئرده بی کفن
سر به سر یارالی وجودوه
قیل بیان اولوبدی کفن ندن
قبره من سنی قویمادیم حسین
قان اولوبدی قلبیم بو غصّه دن
اعتذاره ای تشنه جان وئرن
ایندی من بو مأوایه گلمیشم
.
.
بیر بولوک بلاکش گتیرمیشم
قوشدولار کی یوخ آشیانه سی
قاسمین عروس ملولی یا
اکبرین حزین نازدانه سی
قوللاریندا غمچی نشانه سی
ئوزلرینده سیلی نشانه سی
دردمند بیر کاروانیلن
یا حسین مداوایه گلمیشم
.
.
شام و کوفه ده مین بلا گؤروب
گلمیشم اخی اشک نابیله
سرفراز، گر چه قوجالموشام
فاتح اولموشام صبر و تابیله
ییخموشام یزیدین ائوین حسین
اشک لیلی آه ربابیله
اول پلید شومی تانیتمشام
سر به سر بو دنیایه گلمیشم
.
.
سرنگون ائدوب کفر پرچمین
پوزموشام یزیدین تفاقینی
قصرینون ییخوب پایه سین، خموش
ائتموشم او شومین چراغینی
باشینه او رزلین اوچورتموشام
تاج و تختینی طمطراقینی
درس عبرت عالمده وئرموشم
کینه پرور اعدایه گلمیشم
.
.
شکر اولا حسین جان زیارتون
اولدی دار دنیاده قسمتیم
قبرون اوستونه سو گتیرمیشم
قالمیوب داخی دلده محنتیم
دور ایاقه کوینک گتیرمیشم
بی کفن شهید شریعتیم
ای حصیریلن دفن اولان بدن
ایندی وای حسین وایه گلمیشم
.
.
غم دیارینه غملی عترتون
گلدی دور اؤزون پیشواز ائله
دل شکسته دل خسته خونجگر
اهل بیتوی سرفراز ائله
رحم ائله حسین بیز اسیریدوق
لشکر شریر ارازله
اولمویوبدی بیر تسلیت وئرن
بو چؤله تسلایه گلمیشم
.
.
خیمه لر یانان یئرده گلمیشم
ساخلیام عزا آغلیام سنه
واحسین سسیلن دولا حسین
دشت کربلا آغلیام سنه
ناله ایلیم ناله ایلیه
ارضیلن سما آغلیام سنه
زلفلریم آچام ایلیم نوا
قطعه قطعه اعضایه گلمیشم
.
.
.
.
#بند_ظلمیدن_قورتولوب_حسین
#نوحه_های_محرم_غمکش
#ترکی
.
✍️ #زبدةالاشعار ✍️
.
🆔: @nohe_torki
نظر دهید