زبدةالاشعار

به امر سید سجّاد اهل بیت ملول #ورود_مدینه_دخیل

ورود آل الله به مدینه
آمدن جناب عبدالله ابن جعفر
.
✍️ #زبدةالاشعار ✍️
.
🆔: @nohe_torki
.
مرحوم دخیل
.
به امر سید سجّاد اهل بیت ملول
ایدوب حوالى یثربده بیر مقامه نزول
.
بویوردی تا ایده لر مجلس عزا برپا
او سرزمینده اولا تازه ماتم شهداء
.
اودم قورولدی سراپردۂ امام حسین
آچلدی ماتم ایچون چتر احترام حسین
.
گیدوب او خیمۀ پر شوره زینب نالان
بتول وارثی ام المصائب دوران
.
گتوردی ناله سی روح بتولی فریاده
بهشت عدنده اولدی فغانه آماده
.
بویوری حاضر ایدون کربلا نشانه لرین
نظامیلن دوشیون آغلاماق بهانه لرین
.
یتوردی زینتینی مجلسینده اتمامه
که قویدی صدریده بیر قائه باتمش عمّامه
.
مرتّب اولدی او یرده اساس ماتم و غم
گلوبله شیونه یکسر مخدّرات حرم
.
ئولنلری هامی اوخشاردیلار بناله و آه
نه گوردوله که گلور پیشوازه عبدالله
.
یتوب کنارینه تا چادرون او کان ادب
ویروب سلام بویوردی هانی خانم زینب
.
ایشیتدی تا بو سوزی زینبون قاچوب رنگی
مبدّل اولدی بیر اؤزگه هوایه آهنگی
.
او آغ ساچینه قرا معجرینه بیر باخدی
کمان قدّه دونوب باخدی گوز یاشی آخدی
.
بویوردی باجیسینا اول بلاکش مظلوم
عم اوغلوموندی بو سس چاره قیل باجی کلثوم
.
منی بو حالتیله غفلتاً اگر گورسون
مباد شدّت غمدن اوزونی ئولدورسون
.
بو قاره معجری بو آغ ساچی بو قدّ کمان
اوزون قباقجا گیدوب بیر دیلیله ایله بیان
.
اگر چه وحشتی چوخدور یواش یواش ایله رام
سنه باخوب منی گورسه بیر آز دوتار آرام
.
چخوب قباقینه کلثوم با ملال و الم
ویروب جواب بویوردی سلام یابن العم
.
باخوب او غم زدیه چکدی قلبیدن بیر آه
گلوب کلامه بویوردی دوباره عبدالله
.
دئ بیر منه گوروم ای بانوی دیار تعب
هانی عراقه گیدن فاطمه قیزی زینب
.
ندندی من دیدیقم گلمدی او کان وفا
بویور صریحینی یوخسا ئولوب او کان حیا
.
گجه گونوز ایدرم ناله اشتیاقیندان
گوزتلورم گله بیرجه اؤپم ایاقیندان
.
دئدی که صاقدی ولی آدی واردی بی جاندور
مدینه ده گوره سن ایمدی چوخ پریشاندور
.
قبول قیل سوزومی دادیوه على یتسون
یوخومدی تاب اگر صاقدی بیر گوروم گیتسون
.
قیتدی خیمیه کلثوم اشکبار و ملول
بویوردی زینبه ای دختر عزیز بتول
.
اگر چه ایمدی رضا ویرموسن سنی گورسون
ولی نه چاره عم اوغلون دیور اوزی گلسون
.
ایشتدی تا بو سوزی تازه دن اولوب بی تاب
کسیلدی چارهسی آغلار گوزیله وئردی جواب
.
یانیمجا گل باجی کلثوم محنتیم چوخدی
دانشدیراندا منی سن دانیش دلیم یوخدی
.
قرالیام نه دیوم من او زار شوهریمه
گیداخ یانیمجا باجی سن دانیش منیم یریمه
.
هزار شرم و حیائیله زینب پُرغم
چخوب قباقه بویوردی سلام یابن العم
.
جواب ویردی علیک السّلام سن کیمسن
ندندی گلمدی زینب اولوم فدا اونا من
.
دئدی کناریده گزمه یاخوندی چون مطلب
گوتور حجابی یوزوندن یانوندادور زینب
.
دوشوبدی گوگلومه شرمنده لیق اودی یانورام
تانیمسان منی من بینوا سنی تانورام
.
تانیمیسان منی بولمه فلک بیله دولانور
من ستم زده نی آغلیاندا شمر تانور
.
عمون على قیزیام چوخدا ایلمه تکرار
منی بو حالیله چون گورمیوبسن عذرون وار
.
دئدی یقین که قالور دوست دوست یادینده
بو حال اوخونموری چون زلفوین سوادینده
.
عزیز فاطمه حیدر کیمی گلور نفسون
من آختارانسان اگر دوتقون اولمییدی سَسون
.
هانی او چهرۀ گلرنگ و عارض گلنار
هانی او طرّۀ شبرنگ و زلف عنبر بار
.
اولوبدی گل یوزون افسرده ایتمسن نائه
مگر نولوندی سنه قالموسان بو احواله
.
باشین سالوب اشاقا زینب حمیده صفت
جوانلارین طرفیندن چکردی چون خجلت
.
دئدی عم اوغلی دیمه راه و رسم دن دورم
ایکی جوانون ئولوب منده خیلی معذورم
.
دئدی تکلّم ایله ای نجیبۀ دوران
که باغریمی ایلیوب هجر محنتی آلقان
.
بویور ندن آغاروبدور بو طرّۀ مشکین
دئدی که بخت سیاهیم ایدوب بونی رنگین
.
دئدی ندن گوزیوین نوری بو قدر آزالوب
دئدی گوزوم ایشقین آغلاماق آلیمدن آلوب
.
دئدی ندندی اولوب گوزلرون بیله گریان
دئدی شهید اولوب قارداشیم حسین عطشان
.
دئدی ندندی اولوب گل کیمی یوزون نیلی
خانم دیینمدی کی شمر دون ووروب سیلی
.
بو قدر ایتدی اشاره جهانی یاندوردی
دئدی عم اوغلی منی شمردون سویوندوری
.
عم اوغلی قلبیمه بیر شور و ولوله سالدى
که گوشواره میده خولیِ لعین آلدی
.
#به_امر_سید_سجاد_اهل_بیت_ملول
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ایدوب لطفون بوگونده چون امام باقره یزدان #17ربیع_عدلی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی