زبدةالاشعار

بوقدری آغلاما گلمه بئله فغانه باجی #خروج_مدینه_عاصی_تبریزی

خروج از مدینه
سوال و جواب فاطمه صغرا(س)با علی اکبر(ع)
.
.
✔️ سوال و زبانحال حضرت فاطمه صغری (ع) در هشتک زیر
#همیشه_ذکریم_اولوب_ایسترم_خدادن_على
.
.
✔️ جواب حضرت علی اکبر (ع) در هشتک زیر
#بو_قدری_آغلاما_گلمه_بئله_فغانه_باجی
.
✍️ #زبدةالاشعار ✍️
.
🆔: @nohe_torki
.
مرحوم #عاصی_تبریزی
.
بوقدری آغلاما گلمه بئله فغانه باجی
سیزیلداما منه باخدو قجا یانه یانه باجی
.
سنه باخاندا منیم اود دوتور یانور اوره گیم
سالور شراره آهون شرر بو جانه باجی
.
اماندی آغليوب آغلاتما قارداشون بوقدر
ختامه وئرگیلن اشگ تر روانه باجی
.
گُل عارضون گورورم شدت مرض سارادوب
دؤنوبدی رنگ رخون رنگ زعفرانه باجی
.
همیشه دور فلک یاری یاره حسرت ائدر
هر ایکسین گتورر آه و الأمانه باجی
.
بوبير سفردی مقدردی جانب حقدن
گرک گئدم چکه تقدیر هر مکانه باجی
.
سنی آپارماماقین نچه علتی واردور
اولوب همان او علل قالماقا بهانه باجی
.
بیری بودور بر سفرده بویوک مشقت وار
سفر صلاح دگول شخص ناتوانه باجی
.
اولور اولا بوسفرده بیز اهلبیته حرج
من ایستمم گتورم بیر به بیر بیانه باجی
.
مريضه عُسر و حرج یوخ خدا دوتوب معذور
بو عذر بسدی سنه غم کش زمانه باجی
.
سنون بسوندی بو رنج مرض غم هجران
یوخوندی تاب داخی اوزگه امتحانه باجی
.
بیریسیده بودی که خاندان زهرادن
گرک بو اولميا هئچ قالميا نشانه باجی
.
اولور که بیر نفر اولسون سئوال ائده سندن
دی بیر گوراخ نه گلوبدور بو دودمانه باجی
.
جواب وئر که بو ائو اهلينین جفای فلک
بهار عمرلرین دوندروب خزانه باجی
.
که یعنی ترک وطن ائتدی گئتدیلر سفره
دوباره گلموری گلماقلاری گمانه باجی
.
اگر فالام سنی من منتظر فریام هیهات
یقین که نامه یازوب ائيلرم روانه باجی
.
او نامه ده یازارام باجی شرح حالیمزی
نه نوعیدور بیزه پیش آمد زمانه باجی
.
سنی آپارماقا با اینکه من اوزوم گلم
بو عهدی باغلورام ایندی همان او آنه باجی
.
اگر نه نامه سنه گلدی نه اوزوم گلدیم
گل اوندا صبح و مسا ناله و فغانه باجی
.
طوی حجله گاهمه فرش ائتگیلن بساط عزا
وئر اذن اشگ تر چشم خونفشانه باجی
.
یان آغلا ذكر ائله ناکام قارداشیم ایوای
همیشه ساخلا عزا اکبر جوانه باجی
.
کس انتظاریوی مندن گوزون یولا تیکمه
او زلفه ائتگله حسرت الیوی شانه باجی
.
اليوى قوى بئلیوه آلسالار خبر سرّین
دی دوندروبدی فلک قدّیمی کمانه باجی
.
بیر اکبر آدلو جوان قارداشیم ئولوب ناکام
اورک اونون اثریندن دونوبدی قانه باجی
.
نوید مغفرتی عاصیه اوزوم وئرّم
ائدنده جاننی تسلیم جانستانه باجی
.
.
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  قلم یل یل نینوادن دانیش #عباسیه_مصیبی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی