بولمورم سجده ده یتن یاره #حیدریه_تائب_تبریزی

حضرت علی (ع) در محراب خون
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
بولمورم سجده ده یتن یاره
نجه یاره یدی ای خدای قدیر
.
.
سالدى شاه ولانی طاقت دن
ضعف ایدوب زحمت جراحتدن
.
اوزگه بیر حاله سالدى مولانی
سلب ایدوب طاقت و توانانی
.
حضرت مصطفی گوزوندن ایراق
قان دوتوب چشم مست شهلانی
.
اولمادی طاقتی ایاقه دورا
قان آپاردی امام والانی
.
گوتدى اصحاب باوفا ایوینه
یتوروبلر یارالی مولانی
.
ایوه وارد اولاندا زینبینه
گوستروب شور حشر کبرانی
.
گوردی زینب ایله یوزی سارالوب
ویروب الدن او رنگ حمرانی
.
او قزل گل اولوب ساری لاله
آپاروب رونق گلستانی
.
عرض قیلدی قزون سنه قربان
بو نه عالمدی ای جهان جانی
.
سن هارا بیله حال ضعف هارا
کشور اقتدار سلطانی
.
سنه بو ظلمی کیم گوروبدی روا
کیم وروب زخم تاب فرسانی
.
دیمیوب زینبون قالار آغلار
یارادار گوزده اشگ طوفانی
.
یاراسین باغلادی خانم زینب
یوز گوزوندن یووب آخان قانی
.
بوردا اورگشدی یاره باغلاماقی
ساخلادی یاددا أول وفا کانی
.
#حضرت زینب_در_قتلگاه_کربلا
.
باغلادی کربلاده چوخ یارالار
گوردی چوخ پاره پاره أعضانی
.
تاپدی قارداش جنازه سین گوردی
بوریوب عطری قانلو میدانی
.
دیدی دور عطریوه باجون قربان
آلورام سندن عطر زهرانی
.
یوخسا زهرا آنام گلوب بو چوله
که دوتوب عطری بو بیابانی
.
اؤز گلون تاپماقا بو گلشنده
دولانوب مشگخیز صحرانی
.
او گلوب زینبینه سس ویرسون
آنالار چوخ سُور صبایانی
.
بیر عنایت آدینلی نوحه سرا
تائبه یازدیروب بوعنوانی
.
ای خدا قسمت ایت زیارت ایداخ
جمعیله قبر شاه عطشانی
.
.
.
#حیدریه_تائب_تبریزی
#حیدریه_شهادت
#بولمورم_سجده_ده_یتن_یاره
#سالدى_شاه_ولانی_طاقت_دن
#ترکی
.
✍️ #زبدةالاشعار ✍️
.
🆔: @nohe_torki