ورود به شام
.
✍️ زبدة الاشعار ✍️
.
?: @nohe_torki
.
مرحوم علی اکبر حامدی تبریزی
.
بولمورم قالدی نه حاله ای خدای لاینام
آل پیغمبر اولاندا داخل بازار شام
.
جمله سی عریان دوه اوستونده دوتموشدی مکان
اللری باغلی بویونلاردا یوزه اشکی روان
.
ایلموشدی بعضی سی مه صورته زلفین حجاب
ایلموشدی ینگینی رخسارینه بعضی نقاب
.
شامی تزئین ایلموشدی فرقۀ بی آبرو
باشلاموشدی بیرغریو و غلغله بیر های هو
.
عیش عشرت ایتماقا ایتموشدولر چیده اساس
اللری رنگین اگینلرده هامی فاخر لباس
.
بیربیرینه هر یتن فوراً وئرردی ال اله
گوئیا تبریک سویلردی رجوع ائت مقتله
.
ایلموشدی شامیده آل امیه عید خون
شادکام اولموشدی قتلیله پیمبر اوغلونون
.
ناگهان سسلر اوجالدی دستگیران بلا
داخل شام اولدولار یعنی اسیران بلا
.
ظاهر اولدی بیر نچه محمل شکسته بی جهیز
محمل ایچره اگلشنلر دل شکسته اشک ریز
.
دورت اشاق بیر ناقه اوستونده قوجاقلوب بیر بیرین
ناقه دن تا دوشمسون بیر نحویله تاپسون یئرین
.
هر آنانین واردی آغوشینده آغلار بیر بالا
خجلتیندن ایلیه بولمور باخا صاق و صولا
.
بیر پارا باشلار ووروبلار نیزیه اشرار شام
بعضی سی گوندور دئیرسن بعضی سی بدر تمام
.
پیش روینده گلور هر محملین بیر قانلی باش
بو محندن اودلانار دل گر اولا واللهی داش
.
گور گوره نیلر باجی قارداش اوغول باشین آنا
وار یری تا حشر اولونجا آغلیا دلدن یانا
.
اصغرین باشین گورنلر نوک نی ده اولدی مات
سود امر باشیندا وورموشدی جدا اوسته طغات
.
گورممیشدی رؤیتاً شام اهلی چونکه اکبری
نیزه باشینده گورن یاده سالوب پیغمبری
.
رأس عبّاسی او سهم و او صلابتده گورن
بو دیردیلرعلیّ المرتضادی صف شکن
.
باشلاموشدی نیزه ده قرآن شه محشر باشی
تا او سسدن قزلارین بلکه آزالسون گوز یاشی
.
ایلموشدی نیزه ده ظلم آیه سین عنوان او شه
آنلاسون تکلیفینی تا کیم او قوم رو سِیَه
.
بیر برهنه ناقه اوسته گوردیلر دوتموش قرار
اللری قوینوندا باغلی بیر امام زار وار
.
گوردولر تا یتدی کیم بیر پیرمرد اول سروره
طعن و استهزا دلین آچدی او شاه محشره
.
عالم علم لدنّی حجّت پروردگار
نور ایمان گوردی قلبینده او شخصین آشکار
.
سویلدی قرآن قرائت ایتموسن یا شیخ سن
عرض قیلدی که بلی حفظم کلام اللهی من
.
آندوروب اول شخصه نچّه آیه ده حقّیّتی
وار سیزه سویلوب بو نچّه آیه نین نه نسبتی
.
سویلدی منظور او نچّه آیه دن مطلق بیزوق
دستگیر ایلوبله ناحق لر ستمله ، حق بیزوق
.
اعتذار ایلوبدی گوزیاشین توکوب چکدی فغان
سسلدی آخر بولاردور آل پیغمبر امان
.
واریدی نچّه نفر باشیندا اول مرد سعید
ایلدی اشرار شامیله جدل اولدی شهید
.
صبحیدی شامه گیرنده عترت خیرالانام
گزدیروبلر شام اولونجا هر یرین شامین تمام
.
آج سوسوز یورقون شکسته گلدیلر نی تک دله
گون غروبینده یتوبله بیر خرابه منزله
.
#حامدا اولسون بودور منظور وجه اختصار
ائتگیلن بزم یزیدی اوزگه وضعیله نگار
.
.
#ورود_شام
#بولمورم_قالدی_نه_حاله_ای_خدای_لاینام
#حامد_تبریزی
#ترکی
.
✍️ #زبدةالاشعار ✍️
.
?: @nohe_torki
نظر دهید