شام غریبان امام حسین (ع )
.
✍️ زبدة الاشعار ✍️
?: @nohe_torki
.
هدایتی تبریزی
.
بولمورم نوحه یازیم شانشان اولان پیکردن
منزل خولی ده یا مطبخه گئتمش سردن
.
فاطمه منزل اعدایه گئدیب اوندان اوتور
نجه من ردّ اولا بیللم بئله بیر منظردن
.
دئدی اوغلوم گوزون آچ ، گل دیله شرح ایله منه
بو قدر اولدو اذیّت سنه اهل شردن
.
هانسسی چوخ چتین اولدی ننه قربان دلیوه
کم دگولدی سنه عاشور بلا محشردن
.
اوز الونله نجه سالدون کفن اکبر بویونا
نجه یومدون گوزوی اشبه پیغمبردن
.
نجه دوزدون بالاوی اهل جفا دوغرادلار
نجه مقتلده ملاقات ائله دین اکبردن
.
نجه باخدین بالاوین پیکر صد پاره سینه
نجه اوخ چکدین اوغول اول یارالی پیکردن
.
نجه سیلدین بالاوین قانلی گوزوندن قاننی
نجه سیلدین قانی ، تپراقی ، سوسوز لبلردن
.
ننه قربان نجه بس باغلادین اکبر گوزونو
نجه اوزدون ال اوغول بس او گل پرپردن
.
اکبرین پیکرین حمل ائتدین عباده نیه بس
قان سوزوردو یئره گئتدوقجا او سیمین بردن
.
حسنین بند دلی ، قاسمی بس نیله میسن
گل دیله ، سویله بیر آز اوغلوم او نام آوردن
.
شهددن ، شهد شهادت اونا شیرین تریدی
یوخودو قورخوسو شمشیر و اوخ و خنجردن
.
داش آتانلار اونا رحم ائتمه دیلر ، داشلادیلار
چوخ یارا گوردو ستمگر داش آتان لشگردن
.
آت ایاقی اونا داش دان دا چتین اولدو بالا
حالت دیگر آلوب قوم ستم پروردن
.
گوز گوزه باخدی سنیله صورا یومدی گوزونو
جان چخیب رنگی سولان تازه گل احمردن
.
قاسمی خیمه لره حمل ایلماق اولدو چتین
باش سینون اوسته ، ایاقلار سورونوردی یئردن
.
قاسمین سختیدی حملی ، ولی اوندان دا چتین
بو اولوب ال اوزه سن ساقی و سرلشگردن
.
بالا عبّاس اوزو بیر لشگریدی ، لنگریدی
بیرده هیهات تاپولسون بئله هم سنگردن
.
او اوجا قامت ، اوزون قول لارا نه گلدی بالا
آزدی گوزیاش توکم هر قدر اونا چشم تردن
.
قان دولان گوزلرینه ، آزدی نقدر آغلاسا گوز
عشق و ایثار و وفا ارث آپاروب حیدردن
.
او عمودیله سنان باشه تاپلمازدی دوا
اوج اعلاده یارا دگدی اونا شهپردن
.
قول لاری اولدو قلم ساق صولا اسدی علمی
اوخلانوب مشکی ، سو گئتدی ، آلشیب آذردن
.
مرکب اوستن یوزی اوسته ، یخلاندا یخلیب
بند اولوب بند رکابه ایاق اول سروردن
.
گئتدی مرکب یوزو اوسته سورونوب گل بدنی
سرخ رو ایلدی تپراقی دم احمردن
.
جان بئله افسره قربان کی سر اولدی محنی
عشقنین خاطرینه گئچدی سر و افسردن
.
نیه حمل ایله مه دین خیمه لره گل بدنین
نیه بس اولمادی تجلیل او مه انوردن
.
اولما گل پیکرنین کاری یاراسی چوخودو
حمله امکانی یوخیدی او سینان گوهردن
.
کسیلن اللرینی آغلیوب اوپدون یا یوخ؟
گلدی درده اورگین باشه دگن شش پردن؟
.
گوزونون قانینی السیز بالامون سیلدین اوغول ؟
قول سالوب بوینونا اوپدون گل نیلوفردن ؟
.
اولما عبّاس اولومی قامتوی بوکموشدی ؟
بیرده حاشا گوره دنیا او علی مظهردن
.
نه گناه اوسته علی اصغری بس اوخلادیلار
بیچیلیب حنجری تیر سه پر کافردن
.
قولاقندان قولاقا گل بوغازی پاره لنیب
اوچ پر اوخ دا اوزونه شهرت آلیب اصغردن
.
اوزو اصغر ، غمی اکبر ، قانی عرشه آتیلان
محنتی طاقت آلان عاطفه لی مادردن
.
بیر طرف سن ، بو قدر محنت اوغول بیر طرفه
هر ستمگر سنه بیر ظلم ائلدی اشرردن
.
باخئرام صاف یئری یوخدور بو بلالی باشوین
داش یاراسی آچلیب سجده گه اطهردن
.
لبلرین یاره ، بوغاز یاره ، باشین یاره لی دور
یوخدو بیر بوسه گه اوغلوم منه سرتاسردن
.
نیه بس مطبخ خولی ده وئرلدی سنه یئر؟
وای منه ، بستر آچلمش سنه خاکستردن؟
.
گورورم جام شهادت سنی سرمست ائلیوب
اجتناب ایلموسن کول اولالی بستردن
.
خبرین وار بدنین هاردادی ، نه هاله قالیب
قان ایچنده بدنین غرق دی ایذا گردن
.
خسته سن ، اینجمیسن ، یاره یوروب ، یوخدو توان
بیر خوش آمد ائده سن مادر پر اخگردن
.
اورگیم باندی ، اورک داغلی بالا آچ گوزوی
دیله گل دردیوی بیلدیر منه زیر و بردن
.
بیر سوروش زینبین احوالینی مندن یارالی
خبرین اولسون اوغول غصّه چکن خواهردن
.
حرمین بیر یاری یانمش پوزولان خیمه ده دی
ساغ قالیب نچّه سی غارت ده یانان دلبردن
.
یاری یانمش چادرا قلبی یانانلار یغشیب
ناله افلاکه چخیب یاری اولن همسردن
.
خیمه دن بیر بالا قز مقتله عزم ائتمشیدی
خبریم وار اتگی شعله چکن دختردن
.
بابا وای ناله سی دوتموشدو بیابانی بالا
طلب فیضه گلیردی او بالا محضردن
.
ساربان دا او چوله دیدیوه گلمشدی اوغول
مشقین آلمشدی او خاطی روش بربردن
.
دشمنین کسمه دیقی اللری کسدی او شقی
لرزه سالدی او چوله بیر ستم دیگردن
.
بو ستم کی سنه مسلم لر ائدیبلر یارالی
مسلمه بو ستم اولموب ابدا اکفردن
.
گویون اولدوزلاری تک یاره لرین سایسزدی
وار نشانی یاراون هر بیرینین اختردن
.
قدسیان عرش ده قان آغلاسالار آزدی سنه
ماخلق سختدی گورسون سنه تای رهبردن
.
بیر نظر قلسان ( هدایت ) یارالی فیضه چاتار
اوجالار ناله سپهره قلم و دفتردن
.
#شام_غریبان #تنور_خولی
#بولمورم_نوحه_یازیم_شانشان_اولان_پیکردن
#هدایت_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید