زبدةالاشعار

بولورم نقدری زمانه دن اؤرگونده وار گله فاطمه #فاطمیه_فغانی_تبریزی

زبانحال امیرالمومنین حضرت علی (ع) در بالین حضرت فاطمه (س)
.
.
.
#سبک_بالام_آغلاما_گلوم_آغلاما و …( 7 سبک برای سینه زنی و زنجیر ) … دولانور علی قیزی مقتلی … باجی دور گئداخ …
.
.
حاج یحیی فغانی تبریزی
.
.
بولورم نقدری زمانه دن
اؤرگونده وار گِله فاطمه
بو سکوتون اودلوری قلبیمی
نیه گلموسن دیله فاطمه
.
.
دانشوب او درج دهانیدن
در پر بهانی نثار ایله
سوز آچوب او غنچۀ لعلیوون
گینه جلوه سینده بهار ایله
رشحات جام کلامدن
بو اسیر هجری خمار ایله
که حیات نشئه سی کامیمه
او کلامیدن گله فاطمه
.
.
سن اگر چه خوشدل و گرمسن
جذبات قرب الاهیله
باشون اوسته شمع عزا کیمی
یانورام بو شعلۀ آهیله
نولی بیرده گوز آچاسان منه
باخاسان او گرم نگاهیله
که همیشه زنده ایدوب منی
گوزون اول نگاهیله فاطمه
.
.
بو فراش و بستر مرگده
ابدی سکوتیله یاتموسان
منیده عجبدی که گوزدن ای
هامی عالمین گوزی آتموسان
یانورام اورکدن اگر چه سن
گوگل آرزوسینه چاتموسان
منیله سنون آرا بو اجل
داخی سالدی فاصله فاطمه
.
.
شرر مصیبت فرقتون
سالار اود بو خرمن جانیمه
نجه اود که شعلۀ سرکشی
یتیشوبدی روح و روانیمه
پوزولوبدی گلشن آرزو
نظر ایله بیرجه خزانیمه
یتیشوبدی آفت بو خزان
داخی بلبله گله فاطمه
.
.
بو جهاندا دوقّوز ایل اولموسان
چمن ولایته باغبان
دایانوب مصائبه بسلدون
گل یاس و مریم و ارغوان
گل سرخ فامیله الغرض
بزنوبدی صحنۀ گلستان
ولی نخل کام دل اولمادی
یته بیرجه حاصله فاطمه
.
.
سخیلاندا سینه فشاردن
منه یوز وئرنده غم نهان
یتیشردی محضر وصلده
بو مشام جانیمه عطر جان
منی مین دیلیله دانشدروب
بو گوگل ملالین آلان زمان
دیه سن که شاهد عاطفه
اوتوروبدی محمله فاطمه
.
.
دوشوب اود ضمیر وجودیمه
شرر فراقدن آغلارام
تف آه سردیله دم بدم
دل ماسوالّهی داغلارام
هامی حسرتیله بو سون نفس
سنیله بو عهدیمی باغلارام
که گذاریم اولمیا گلشنه
داخی باخمیام گله فاطمه
.
.
باشون اوسته ای مه دلستان
دایانوبدی سوزیله آفتاب
بو سکوت محضیله سالموسان
بو سپهر سینه مه انقلاب
توکوری ستاره کیمی یوزه
بو غروبده گوزوم اشک ناب
که هلال یک شبه اولمادی
یته برج کامله فاطمه
.
.
نفحات رایحۀ جنان
نفسونده واردی سنون عیان
جذبات جلوۀ کهکشان
باخشوندا واردی کران کران
بو جهاندا جمله فضائلی
سنه خلق ایدوبدی خدای جان
هانی عنصری که ایده بو گون
سنیله مقابله فاطمه
.
.
سنیله مُزَیَّن ایدوب خدا
صفحات مصحف خلقتی
ایلیوب ملازم درگهون
هامی شأن و عزّیله شوکتی
ولی درک اولونمادی سن کیمی
گُهرین بو دهرده قیمتی
اودی کشف اولونمادی عزّتون
بو نفوس جاهله فاطمه
.
.
بو چکامه سینده #فغانی نون
هامی عیب و نقصی اولوب علن
که اولوب چو کودک ابجدی
فقرات شعرده مرتهن
یری وار دی ذکر ایده مطلعی
بویوروبدی #عابد خوش سخن
بو سکوتون اودلوری قلبیمی
نیه گلموسن دیله فاطمه
.
.
.
#فاطمیه_شهادت
#بولورم_نقدری_زمانه_دن
#فغانی_تبریزی #فاطمیه
#ترکی
#زبدةالاشعار

متن پیشنهادی:  فرقتونده فاطمه هر صبح و هر شام آغلارام #فاطمیه_شایان_ارومیه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی