بو خرابه یر که آلِ حیدره مکاندور عمّه #حضرت_رقیه_شانی_تبریزی

زبانحال حضرت رقیه سلام الله علیها
.
✍️ #زبدةالاشعار ✍️
.
🆔: @nohe_torki
.
#سبک_سو_یوخومدی_قزلاروندان … 5 سبک #سبک_سنه_سو_دین_دوداقلار
#سبک_سنی_سسلیور_هرایه
#سبک_یارالار_سینونده_قارداش
#سبک_یانور_اصغریم_سوسوزدان (جوشی زنجیر) و …
.
.
مرحوم شأنی تبریزی
.
بو خرابه یر که آلِ
حیدره مکاندور عمّه
پرشکسته عندلیبه
یاخشی آشیاندور عمّه
.
.
.
ایتمرم خرابه یردن
عمّه جان سنه شکایت
هر قدر بلا یتیشسه
بیزلره اولور سعادت
سن اوزون بُلورسن امّا
سختیدور غم شماتت
شامیان شماتت ایلر
چوخ منه گراندور عمّه
.
.
.
خار دامنینده گل تک
غنچه لیقدا سولموشام من
بو گروه اشقیایه
دستگیر اولموشام من
ایتمیشم ز بسکه شیون
عمّه جان یورولموشام من
شغلیم آه و داد و شیون
مونسیم فغاندور عمّه
.
.
.
گر دیسم که شمر الیندن
جانه دویموشام خطادور
عالم وفاده قلبیم
هر بلایه آشنادور
چون بابام قبول ایدوبدور
بو اسارته رضادور
هر قدر بلا بو جانه
گلسه نوش جاندور عمّه
.
.
.
شام قیزلاری گیینسون
اگنینه لباس فاخر
هی گَلوب صباح و شامی
ایلسون بیزه تفاخر
قالمارام یقیناً ئولّم
بو دیاریده من آخِر
بو خرابه مدفنیم دور
بو منه عیاندور عمّه
.
.
.
قاز مزاریمی خرابه
قوی منیم مکانیم اولسون
عندلیب تک پوزولموش
گلشن آشیانیم اولسون
توزلی قبریم اوسته گَلسون
#شانی نوحه خوانیم اولسون
نوحه قیلسون ایتسون افغان
#شانی خوش زباندور عمّه
.
.
.
#حضرت_رقیه_شانی_تبریزی
#حضرت_رقیه_شهادت
#بو_خرابه_یر_که_آل_حیدره_مکاندور_عمه
#ترکی
.
✍️ #زبدةالاشعار ✍️
.
🆔: @nohe_torki