زبانحال امام رضا (ع)
.
✍️ زبدة الاشعار ✍️
.
🆔: @nohe_torki
.
مرحوم غلامعلی باقری الهامی (هوشی تبریزی)
.
.
بو دیارِ طوسه نوجوان اوغول گل
جان ویرور آتان ای مهربان اوغول گل
.
درک ایله بومظلومی
ظلم الیله مسمومی
مهربان اوغول گل
.
.
.
بو دیار غمده من اوغول غریبم
دلده چوخدی دردیم دردی بی طبیبم
یوخ ائلیم یانیمدا زار و غم نصیبم
من غریبه یاراول بو زمان اوغول گل
.
.
وار درونِ دلده محنت زیادیم
اوج ایدور سمایه دلدن آه و دادیم
ای گوزومده نوریم هارداسان جوادیم
حالیمه یوخومدور بیر یانان اوغول گل
.
.
لوح دیلده هر آن نقشدور خیالون
دردیمه دوا دور ای اوغول وصالون
واردور اشتیاقیم گورماقا جمالون
اولماقا بو زاره همزبان اوغول گل
.
.
بیر طبیبه صون دم واردور احتیاجیم
لیک وصل دور بو دردیمه علاجیم
وار بوغربت ایچره نه قیزیم نه باجیم
نه بو باشیم اوسته آغلیان اوغول
.
.
گر چه مین بلا و درده مبتلایم
بیر شکسته نی تک طالب نوایم
لیک هر بلایه قلبدن رضایم
رأفتون رضایه قیل عیان اوغول گل
.
.
گل آتان غمینده آغلا سینه داغلا
توک سرشگ چشمون گلعذاره آغلا
جان ویرن زماندا گوزلریمی باغلا
یوخ گوزومی بوردا باغلیان اوغول گل
.
.
بی کسم بو یرده مین غمه دچارم
عالم فراقه دیده اشگبارم
گوزلریم یولوندا قالمش انتظارم
دلده واردی حسرت جاویدان اوغول گل
.
.
یانموشام ز بسکه آتش فراقه
اود ویروبدی آهیم طاق نه رواقه
گل قویاق بوصون دم بیردوداق دوداقه
آلسون عطریوی بوباغریقان اوغول گل
.
.
زهر کینه الدن صبریمی آلوبدی
بیر شرار سوزان جانیمه سالوبدی
اللریم بو غملی سینه ده قالوبدی
جان ویرور بو زار و خسته جان اوغول گل
.
.
ای دلیمده صبریم وی بو جان جانان
چرخ دون آرایه سالدی طرح هجران
گل اوخی بو صون دم باشیم اوسته قرآن
بیر سسون آلوم ای خوش بیان اوغول گل
.
.
ای امام هشتم وی شه خراسان
«هوشیه» اؤزون بیر ایله لطف و احسان
بیرده ایسته گلسین اول مزاره مهمان
اوردا ذکر قیلسون مهربان اوغول گل
.
.
.
.
#سبک_دولدوروب_جهانی
.
.
#رضویه_شهادت
#بو_دیار_طوسه_نوجوان_اوغول_گل
#هوشی_تبریزی
#ترکی
.
✍️#زبدةالاشعار✍️
.
🆔: @nohe_torki
نظر دهید