زبدةالاشعار

بو زینبون آنا یا فاطمه نه مدّتیدی

ورود مدینه
زبانحال حضرت زینب بر سر مزار حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
مرحوم شهاب تبریزی
.
بو زینبون آنا یا فاطمه نه مدّتیدی
زیارت ایلماقا قبریوی چوخ حسرتیدی
.
قسم بو قبریوه سندن من آیریلان گوندن
تمام فکر و خیالیم همین زیارتیدی
.
گورنده سن منی زلفوم آغارمامیشدی هله
قیزون نه قاره لچک نه خمیده قامتیدی
.
دور ایندی گور بو بلاکش دوشوبدی بیر نه گونه
ایدن گون عزم سفر بولمورم نه ساعتیدی
.
نه بیر بو قلبیم آچیلدی نه بیر یوزوم گولدی
او عرض مدت انیسیم ملال و محنیدی
.
بیله خیال ایلمه کوفه ده ازل کی کیمین
قیزون عزیزیدی مشغول استراحتیدی
.
وفاسینه آنا جان اهل کوفه نین لعنت
او حرمتی که منه ائتدیلر شماتتیدی
.
قوناق آدیلا بیزی کربلاده ساخلادیلار
یرین بوش اولدی قوناقه اوئیکه حرمتیدی
.
عیالیوین یوزونه سو یولینی باغلادیلار
همان او سو ، سنه مهریه دن عبارتیدی
.
بنای جنگ آنا جان قویدولار حسینیویله
حسین کمکسیز ، اولار بیر آغیر جماعتیدی
.
او چولده دوغرادیلار نوجوانلاریمی سوسوز
آچوب باشیمی یولیدیم نه بیر فراغتیدی
.
ایشیم او دشتیده اولموشدی بیر کفن بیچماخ
ولی حسینیدن آنا جان زینبون خجالتیدی
.
کفن تاپانمادوم اوغلون حسین جنازه سینه
نجه جنازه ، سراپا بدن جراحتیدی
.
اوزومده ساتره محتاجیدیم بولورسن آنا
او گونده چادر و معجر تمام غارتیدی
.
تالاندی جاه و جلالیم یاناندا خیمه لریم
گلوب گوریدون آنا اوزگه بیر قیامتیدی
.
تمام باشلار آچوخ بانوان پرده نشین
اسیر و بستۀ قید طناب ذلتیدی
.
آپاردیلار بیزی ابن زیاد مجلسینه
سنون گوزوندن ایراق مجلس ضیافتیدی
.
نجه دیوم نجه مجلس اجامر و اوباش
او بزم شربیده مشغول عیش و عشرتیدی
.
قیاس اولونماز او مجلس یزید مجلسینه
یزید مجلسی چون مجلس خلافتیدی
.
او بزمه بی سر و پانون ، آنا یولی یوخیدی
امیریدی امرا ائلچیان دولتیدی
.
ولیک ابن زیاد ایلمیشدی مجلس عام
بیری بیره قاریشوب اهل کوفه کثرتیدی
.
او مجلسین آنا بیر حالینی تصور ایله
اسیر قیزلاریوین حالی گور نه حالتیدی
.
حسینیوین یارالی باشینی زیاد اوغلی
برابرینده قویوب مقصدی اهانتیدی
.
ایچوب شرابی قویوب ساغری گوتوردی قمار
گوزوم باخا باخا ائتدی او کی جسارتیدی
.
همین بو ظلمون آنا مثلینی یزید ایلدی
او گون کی شامیده مست می بشارتیدی
.
امام عصر قباقینده اوینیوب شطرنج
حریفی غالب اولان دم ، ایشی عداوتیدی
.
بسان تیر «شهاب» اود توکر قلم «ناهید» (1)
بو اودلی سوز نئیدی باشلادون نه صحبتیدی
.
(1) تخلص مرحوم شهاب در اوایل.
.
.
#ورود_مدینه
#بو_زینبون_آنا_یا_فاطمه_نه_مدتیدی
#شهاب_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  چون کاروان غم چکیلوب قتلگاهیدن #حقیر_خویی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی