بو سوزیکه یازورام من دئدی بیر اهل خبر #فاطمیه_انور_اردبیلی

حالات حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم انور اردبیلی
.
بو سوزیکه یازورام من دئدی بیر اهل خبر
بسکه نسگیللیدی سوز قلبیمه چوخ ائتدی اثر
.
مستفیض اولموشوق هر چند مطوّلدی کلام
شعریمه ایستیورم بو سوز اولا حسن ختام
.
در و دیوار آراسیندا ائلکه قالدی خانم
ئولومون رنگینی گل صورتینه آلدی خانم
.
اریوردی بدنی شمع کیمی گونده بیر آز
امر واضحدی قابورقاسی سینان چوخ یاشاماز
.
ولی مولایه اورک دردینی آندیرموردی
یاندیروردی ئوزینی یارینی یاندیرموردی
.
بعضی گون شدت ائدوب دردی چوخ آغروردی بدن
جدی تصمیم دوتوردی او گرفتار محن
.
گلجگین شیر خدا منزله بی صبر و قرار
گرک اظهار ائلیم محنتیمی من ناچار
.
دردیمی آندیرا بیلسم اگر اول بت شکنه
من مریضم او طبیبیمدی ائدر چاره منه
.
دلبر ئوز دلبرین هیهات سالا قیمتدن
خبری یوخدی قابورقامدا اولان زحمتدن
.
نقدر محکم ائدوردی او خانم تصمیمین
قاپودان وارد اولاندا ائوینه سرور دین
.
ساتاشوردی خانمون گوزلری مولا گوزینه
یوزی یوزدن اوتانوب مالک اولوردی سوزینه
.
وئرمیشم دلده دیوردی سنه قربان واریمی
فاطمه ئولسه خجالت ائلمز ئوز یارینی
.
مرتضاده باشا دوشمیشدی او مرضیه مقام
ضعفی واردور اولوری گونده نحیف الاندام
.
اودا تصمیم دوتوردی سوروشا فاطمه دن
ندی دردون گونی گوندن سنخورسان نیه سن
.
دام خجلتده گرفتاریدی دینجلموردی
ایستیوردی سوروشا دردین اورک گلموردی
.
الغرض خون جگر هر ایکی جانانه یدی
بیربیره قلب سوزین نه بو دئدی نه او دئدی
.
.
.
#فاطمیه_شهادت
#انور_اردبیلی
#بو_سوزیکه_یازورام_من_دئدی_بیر_اهل_خبر
#سیمای_عاشورا_انور
#ترکی
.
✍️ #زبدةالاشعار ✍️
.
🆔: @nohe_torki