توصیه ی دانشمند محترم حاج آقا سعید(ره)در خواب به یک فرد هیئتی (1)
.
✍️ زبدة الاشعار ✍️
.
🆔: @nohe_torki
.
#شاجری_زنجانی
.
بو سوز که عرض ائدورم چوخدی شیعیان ثمری
که آیلیدار بئله مطلب اوخونسا هر بشری
.
وظیفه حکم ائلیوب بو سؤزی چکم نظمه
حضوروزه یتورم تا پیام پُرثمری
.
گوروبدی بیرگجه رؤیاده شخص باایمان
ئوزی روایت ائدوردی بو یازدیقیم خبری
.
دیر که یاتمیشیدیم خواب نازیده گوردوم
صفای مجلس جشن و نچه نکو سیری
.
اؤ بزمیده دوشنوب شیرینیّ و میوه و گل
او قدری باخمالیدی پاکلانیر اورک کدری
.
ساتاشدی گوزلریمه حاج سعید دانشمند
دوروب وقاریله لیکن دولیدی دور و بری
.
پُر ازدحامیدی مجلس منی او گورموردی
ولی باخوردوم اونا دقّتیله ، نه گذری
.
گئدوب حضورینه ائتدیم سلام و عرض ادب
یاخونلاشاندا منه دوشدی ناگهان نظری
.
وئروب جواب سلامیم محبّتیله منه
سفارش ائتدی گئدوب آگه ایله شیعه لری
.
اوجور که بیزلره نقل ایلمیشدیلر دگولی
شراکتاً یتیشور خیر عمللرین ثمری
.
بقیّه سی یازیلار نامه های اعماله
که واقعیّت مطلب دیولدی مختصری
.
بیری بیریزی دعادن اونوتمیون هرگز
ئولوب گئدنلری یاد ایلیون که یوخ ضرری
.
بو مژده نی یتور حتماً حسینچی شیعه لره
حسینه آغلاماقون بوردا گورسنور اثری
.
حسینه صدقیله کیم آغلاسا ذلیل اولماز
بُکا حدیثینه بوندان گوزل دلیل اولماز
.
نجه که آغلادی قرخ ایل حسینه زین العباد
آتا غمینده ائدردی همیشه آه و نوا
.
سالاردی یادینه لب تشنه جان وئرن آتاسین
گورنده سو گوزونی دولدوراردی اول مولا
.
دیردی ای سو کنارینده جان وئرن یارالی
سنه سو وئرمدی ئولدوردی تشنه ، قوم دغا
ـــــــــــــــ
(1) حاج آقا سعید یکی از اساتید دانشگاه و مفسّر قرآن مجید در هیئات حسینی و دلسوخته ی خاندان عصمت و طهارت(ع) بود.خداوند رحمت کند.
.
.
#ورود_محرم
#حسینیه_شهادت
#بو_سوز_که_عرض_ائدورم_چوخدی_شیعیان_ثمری
#شاجری_زنجانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید